Sei pertsona hil dira covid-19ak jota Arabako adinekoen egoitzetan eta zazpi Gipuzkoakoetan
Arabako adinekoen egoitzetan, sei pertsona hil dira covid-19ak jota azken astean, aurrekoan baino bost gehiago. Kasu positiboek, ordea, behera egin dute. Hain zuzen ere, 174 adineko daude kutsatuta, iragan asteartean baino 21 gutxiago.
Ahaldun nagusi Ramiro Gonzalezek eman ditu datuok gaur, pandemia egoitzetan izaten ari den eragina aztertu ostean. Horren hitzetan, azken asteotan euskal gizartean irudikatu den agertoki berbera dute adinekoen zentroek ere.
Hartara, kasuek behera egin dutela esan du, baina azken egunotan agerraldi honek izandako "tsunamia" hildakoetan islatu dela gaineratu du.
Dena den, Araban izan diren zazpi hildako horietatik bi ez dira covid-19agatik hil, hau da, kasu horietan birusa ez da heriotzaren arrazoi nagusia izan.
147 positiboak 19 zentrotan daude banatuta, orain dela astebete bezala, eta gehienak (111) erresidentzia pribatuetan daude. Publikoetan, berriz, 36 positibo soilik zenbatu dituzte.
Gaixo dauden pertsona horietatik bi ospitaleratu egin behar izan dituzte. Gainerakoek ez dute sintomarik edo sintoma oso arinak dituzte. Azken aste honetan, gainera, 157 egoiliar sendatu dira, eta behera egin du bajan dauden langileen kopurua, 66 baitaude bajan positibo eman edo kontaktu estu direlako (aurreko astean baino 37 gutxiago).
Gipuzkoan, bestalde, zazpi adineko hil dira azken astean. Azaroaren 29az geroztik (pandemiaren seigarren olatua hasi zenetik), beraz, 33 dira lurralde horretan covid-19ak jota hil diren egoiliarrak.
Foru Aldundiko eledun Eider Mendozaren hitzetan, 399 kasu positibo daude, 31 erresidentziatan banatuta.
Azken aste honetan, 307 kasu berri atzeman dituzte, eta 289 pertsonak gainditu dute gaitza.
Kutsatuta dauden 399 egoiliar horietatik 71 Gipuzkoako Foru Aldundiaren zentroetan daude.
Beharginei dagokienez, Mendozak azaldu du 191 positibo daudela (iragan astean baino 63 gutxiago), 47 zentrotan banatuta.
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.