Bi pandemia urteren balantzea Euskadin: 651.000 kasu eta 6.000 hildako baino gehiago
Astelehen honetan bi urte beteko dira Euskadin lehenengo bi covid-19 kasuak atzeman zituztenetik, 2020ko otsailaren 28an. Pandemia honek 6.000 heriotza baino gehiago utzi ditu azken urteotan, 650.000 pertsona inguru kutsatuta.
Milanera bidaiatu zuen emakume gipuzkoar batena izan zen lehen kasua. Koronabirusaren intzidentzia handia zen bertan, egun batzuk lehenago. Bigarren kasua, berriz, Gasteizko Txagorritxu Ospitaleko mediku batena izan zen; Euskadin SARS-CoV-2 hedatu zuen lehen infekzio-fokuetako bat.
Covidak eragindako lehen hildakoa 82 urteko gizon bat izan zen. Martxoaren 4an hil zen, Bizkaian. Gainera, martxoaren 19an 52 urteko erizain bizkaitar bat hil zen; koronabirusaren ondorioz Estatu osoan hildako lehena.
Zenbait egun beranduago, 2020ko martxoaren 13an, alarma-egoera ezarri zuten, aurrez aurreko eskola jardueraren etetearekin, etxean ixteko derrigortasunarekin eta jarduera ekonomiko eta sozialaren murrizketekin. Ospitaleetako presioak gailurra jo zuen, eta ibilbide luzea hasi zen orduan, covid-19aren aurkako txertoen etorrerak bakarrik piztu zuelarik tunelaren amaieran argia.
Denbora honetan zehar, sei olatu bizi izan dira. Azkenak, omikron aldaerak eragindakoak, kutsatzeak biderkatu ditu eta aldaera ustez arinagoa bada ere, hildakoen zifra lehen olatuko zenbakietaraino igo da.
Aditu askok iragarri dutenez, hau izan liteke pandemiarekin amaitu lezakeen aldaera.
Albiste gehiago gizartea
Nagore Laffage oroitu dute Iruñean, hil zutenetik 17 urte pasa direnean
Duela 17 urte hil zuen Jose Diego Yllanesek Nagore Laffage, honek 20 urte zituenean. Hura oroitzeko elkarretaratzean, dozenaka lagun bildu dira Astelehen Lilak elkarteak deituta, Asun Casasolari, Nagore Laffageren amari, babesa erakusteko. Musikaz jantzitako ekitaldian, besteak beste, Unai Hualde Nafarroako Parlamentuko presidentea, Joseba Asiron Iruñeko alkatea eta UPN, PSN, EH Bildu, Geroa Bai, PPN eta Contigo-Zurekin alderdietako ordezkariak ere izan dira.
Giako Andre Mariaren eguna ospatu dute Portugaleten
Ohitura den legez, uztailaren 1ean milaka pertsona gerturatu dira Portugaletera Giako Andre Mariaren eguna ospatzera. Egun osoko egitarau oparoa antolatu dute: prozesioaz gainera, jaitsierak, musika, herri-kirolak eta jokoak izango dira giroa alaitzeko.
Abian dira aldundiek eskaintzen dituzten udalekuak
Bizkaia, Araba eta Gipuzkoan 4.000 plaza baino gehiago eskaintzen dira 7 eta 13 urte bitarteko neska-mutilentzat. Horrez gain, 14 eta 17 urte bitarteko gazteentzat ere eskaintzen dira oporretako egonaldiak.
Argi berdea, sarreren birsalmentan prezioa igotzea debekatzen duen arauari
Espainiako Gobernuak argi berdea eman dio ikuskizunetarako sarreren birsalmentan prezioa igotzea debekatzen duen arau bati. Helburua da birsalmentan aritzen diren plataformek eta enpresek sortzen dituzten gehiegizko onurak eta espekulazioa geldiaraztea.
ELAk Bilboko Udala salatuko du, lan eskaintza publikoetan euskara maila jaisteagatik
Udalak %70etik %40ra jaitsi du 35 deialditan euskarazko hizkuntza eskakizunak egiaztatzeko baldintza eta, kasu batzuetan, erabat kendu du baldintza hori.
Nola eragiten die beroak gailu elektronikoei?
Tenperatura altuen eta bero-boladen ondorioak pairatzea ez da soilik gizakion kontua. Askotan, gailu elektronikoek, gure egunerokoan hain beharrezkoak direnek, funtzionatzeari uzten diote beroa dela eta.
Gasteiz eta Bilboko aireportua lotzen dituen autobus linea berria abian da
Lehenengo autobusa 4:30ean irtengo da Gasteiztik, eta, azkena, 21:45ean. Loiutik lehen eta azken zerbitzuak, berriz, 6:30ean eta 23:30ean izango dira, hurrenez hurren.
Aske utzi dute apirilean Bilbon gizon bat indarkeriaz hiltzeaz akusatutako gizona, kautelazko neurriekin
Ertzaintzak atzo atxilotu zuen 30 urteko gizasemea, hilketaren ustezko egilea zelakoan. Baliteke atxiloketa gehiago egitea, jakinarazi dutenez.
Gizon bat espetxeratu dute Donostian emakume bat jo eta bortxatzeagatik
Gertakariak larunbat gauean izan ziren, Udaletik baieztatu dutenez.
TAO zerbitzua, udan: Bilbo, Donostia, Gasteiz eta Iruñean izango diren aldaketa nagusiak
Bilbon, larunbatetan eta jaiegunetan zerbitzua bertan behera geldituko da, eta abuztutik arratsaldetan gauza bera gertatuko da. Gasteizen, abuztuaren 4tik 31ra bitartean ez da zerbitzua ordaindu beharko. Aitzitik, Donostian larunbat arratsaldeetara eta igande eta jaiegunetara zabalduko da, eta Iruñean, sanferminetan, eguneko 24 orduetan ordaindu beharko da.