Bi pertsona zauritu dira A-8an eta Txorierriko igarobidean izandako bi istriputan
Goiz zaila izan da astearte honetan Bizkaiko errepideetan. Bi istripu gertatu dira A-8an, Bilbo parean, eta Txorierriko igarobidean, Zamudion (Bizkaia). Ilara luzeak sortu dira Galdakaorako noranzkoan, baina 09:30erako konponduta zeuden. Segurtasun Sailak eitb.eus-i jakinarazi dionez, bi pertsona ospitalera eraman behar izan dituzte.
Aurreneko istripua 07:05ean jazo da N-637 errepidean, Txorierriko igarobidean, Zamudio parean eta Erletxeta bidean. Bi autok eta kamioi batek talka egin dute, eta pertsona bat zauritu da (Gurutzetako Ospitalera eraman dute). Ezbeharraren ondorioz, zazpi kilometroko ilarak daude Galdakaorantz.
Handik gutxira jazo da beste istripua, 07:20an. Kasu honetan, hiru autok elkar jo dute A-8 autobidean, Bilbo parean eta Galdakaoko noranzkoan. Pertsona bat zaurituta eraman dute Basurtuko Ospitalera. 08:00etan, sei kilometroko pilaketak sortu dira, Zorrotzako bihurgunetraino.
Garabiek 09:15erako kendu dituzte ibilgailuak bidetik.
Goizeko lehen orduetan, ibilgailu ugari izan ohi Bilbo inguruetan, eta istripuaren ondorioz sortutako ilarak tarteko, Ertzaintza San Mameseko sarbidea tarteka ixten ari da, egoera apur bat arintzeko.
Azkenik, Gipuzkoan, lau ibilgailuk talka egin dute N-1ean, Andoain parean, eta inor zauritu ez bada ere, ilarak daude Lasarte-Oria bidean.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.