Elizan izandako 58 abusu kasu ikertzen ari da Ertzaintza, eta kopuruak gora egiten du egunez egun
Josu Erkoreka Eusko Jaurlaritzako lehen lehendakariorde eta Segurtasun sailburuak asteazken honetan adierazi duenez, Ertzaintza eliza katolikoarekin lotutako 58 sexu-abusu kasu ikertzen ari da une honetan. Kopurua egunez egun handitzen ari dela gaineratu du.
Bizkaia Irratian asteazken honetan egindako elkarrizta batean ikertutako kasuen kopurua "egunez egun aldatzen da"; izan ere, "kasuak entzun ahala, jendea Ertzaintzara hurbiltzen da eta salaketa berriak aurkezten ditu".
Abusu kasu asko duela urte asko gertatu ziren arren eta ustezko erantzuleetako batzuk hilik badaude ere, segurtasun sailburuaren iritziz "biktima guztiek dituzte eskubideak". Horregatik, salaketa jartzea "onuragarria eta mesedegarria" dela uste du, besteak beste, "beste kasu batzuk argitzen lagun diezagukeelako".
Testuinguru horretan, Bilboko Gotzaindegiarekin mantentzen duten "harreman ona" azpimarratu du Erkorekak. Gauza jakina da balizko abusuak ikertzeko batzorde bat jarri duela martxan, eta sailburuak ziurtatu du Elizbarrutia "oso konprometituta" dagoela gaiarekin.
Ildo horretan, lankidetza "funtsezkoa" dela uste du; izan ere, azaldu duenez, "Ertzaintzak ez duen informazioa du Gotzaindegiak, eta informazio hori beharrezkoa da ikerketan aurrera egiteko eta, ondoren, Fiskaltzaren edo auzitegien esku uzteko".
Nolanahi ere, Segurtasun sailburuak adierazi duenez, Ertzaintzak bere lana egiten jarraitu behar du."Ikerketak bere bidea jarraitu behar du eta legearen arabera jokatu behar du, delitu bat egon den tokian gauzak argitu behar direlako eta, erantzukizunak egon badira, erantzukizun horiek eskatzeko neurriak hartu behar direlako", ziurtatu du.
Albiste gehiago gizartea
70 talde feminista baino gehiagok eta LGTBIQ+ taldek Bernedoko udalekuen aurkako "lintxamendu kanpaina" salatu dute
"Ultraeskuinak" eta "puritanismoak" sexu- eta genero-disidentzia adingabeei egindako erasoekin lotu nahi izatea kritikatu dute.
Auto-ilara luzeak sortu dira A-8 autobidean, Malmasinen, Donostiarako noranzkoan
Hiru ibilgailuren arteko istripua izan da tunelaren barruan, eta errei bat itxi dute.
Xabiertxok, 100 urte: "Uste dut gaur egungo hezkuntzak garai hartako ekosistema euskaltzale hori behar duela"
Duela 100 urte argitaratu zuen Ixaka Lopez Mendizabal tolosarrak “Xabiertxo”, haurrei euskaraz irakurtzen irakasteko liburua. Haritz Azurmendi Jakin Fundazioko kidea aritu da mendeurrenaren ospakizuna prestatzeko lanetan, eta liburuari buruzko bitxikeriak azaltzeaz gain, Xabiertxok Euskal Herriari egin dion ekarpenaren inguruan mintzatu da.
Milaka herritar atera dira kalera Palestinaren alde
Gazarako Mugimendu Globala Euskal Herriak deituta, Iruñean 18:30ean abiatu da manifestazio nagusia Merindadeen plazatik, eta Donostian, Gasteizen eta Bilbon, 19:00etan. Halaber, unibertsitateko ikasleek manifestazioak egin dituzte 12:00etan euskal hiriburuetan.
ES-Alert ohartarazpen sistema probatu du SOS Deiak zerbitzuak Balmasedan
Balmasedan zeuden mugikorrek ohartarazpen mezu bat jaso dute. Sistema honekin jakinaraziko zaio gizarteari hondamendiren baten arriskua. Balmasedan egindako probarekin eraginkortasun-maila ezagutu nahi izan da, behar izanez gero hobetu ahal izateko. Soinua entzun ondoren, euskaraz, gaztelaniaz eta ingelesez idatzitako mezu bat jaso dute gailuetan, probaren berri emanez.
Berriro gelditu dira Gatika eta Capbreton arteko interkonexio elektrikoko itsaspeko kablearen obrak, Butroe ibaian isuria izan da eta
URA agentziak zehapen-espedientea ireki du Red Electricaren aurka, eta Gatika inguruan egiten ari ziren zulaketa-lanetako bat geldiaraztera behartu du, Butroe ibaiko erreka batean isurketa izan delako. Toxikotzat hartzen ez den substantzia bat isuri da, bentonita, baina ekosistemari kalte egiten dio.
Hasi da gripearen aurkako txertaketa-kanpaina, eta 75 urtetik gorakoei txerto indartua jarriko diete
"Zu zara funtsezko pieza gripea saihesteko. Jarri txertoa" lelopean, Osakidetzak hitzordua eskatzeko deia egin die pertsona zaurgarriei. Astelehenean hasiko dira txertatzen. Kalteberatzat jo ez dituztenek azarora arte itxaron beharko dute txertoa hartu ahal izateko.
Palestinarekin Elkartasuna plataformak Sumud Flotillaren aurkako erasoa kaleetan salatzeko deia egin die euskal herritarrei
Plataformaren ustez, "ezinbestekoa da Israelen eta mendebaldeko konplizeen aurkako mobilizazioa eta borroka bultzatzen jarraitzea", eta bat egiten du Gazarako Mugimendu Globalak Euskal Herriko hiriburu eta udalerrietan egindako deialdiekin.
Renfek erabat berrezariko du Bilbo eta Santurtzi arteko larunbat eta igandeetako tren-zirkulazioa
Aste barruan, trenak ohiko ordutegiaren % 50eko maiztasunarekin dabiltza, behin-behinean, aldaketarik iragarri bitartean.
Elhuyarrek sei hizkuntzatan automatikoki bikoizteko plataforma sortu du
Elhuyar Fundazioak Euskal Herriko lehenengo bikoizketa automatikoko plataforma sortu eta martxan jarri du. Erreminta honekin ikus-entzunezko eduki bat sei hizkuntzatan (euskara, gaztelania, frantsesa, ingelesa, galiziera eta katalana) bikoiztu daiteke eta jatorrizko ahotsak imitatzeko aukera ematen du. Tresna berria Aditu plataforman integratu da. Horrela, plataforma hau azpitituluak sortzeko plataforma izatetik automatikoki bikoizteko aukera ematera igaro da.