EAJk, EH Bilduk, PSE-EEk eta Elkarrekin Podemos-IUk negoziatzen jarraitzen dute hezkuntzaren alorrean
Aukera guztiak zabalik daude Eusko Legebiltzarrean taldeak hezkuntza itunaren inguruan negoziatzen ari diren honetan. EAJk, EH Bilduk, PSE-EEk eta Elkarrekin Podemos-IUk ituna lortzear zutela zirudienean, giroa gaiztotu egin da eta Eusko Legebiltzarrean bazkalorduan egitekoa zen hezkuntzako lantaldearen bileran etenaldi bat egitea adostu dute taldeek. Arratsaldean bilduko dira berriro.
Lau taldeek akordioa erdiesteko borondatea dute, baina azken orduetan, desadostasunak sortu dira euskararen inguruan.
Ordulariari begira daude denak, bazkalorduan zelako biltzekoa zirriborroari aurkeztutako zuzenketak bozkatzeko lantaldea. EAJk proposatuta, etena egingo dute, eta 16:30ean bilduko dira berriro.
Lau taldeotako ordezkariek orduak zukutu dituzte akordioa itxi nahian. Asteazkenean, zirriborroarekin bereziki kritiko azaldu zen taldeak, Elkarrekin Podemos-IUk, EAJrekin eta PSE-EErekin aurreakordioa lortu zuela iragarri zuen. Miren Gorrotxategi koalizioko bozeramaileak gaur jakinarazi duenez, hasierako itun hori "hobetu" dute, baina aitortu du oraindik badirela "findu beharreko puntuak".
Bien bitartean, hezkuntza alorreko gehiengo sindikalak (ELA, LAB, Steilas eta CCOO) martxoaren 25erako greba eta mobilizazioak deitu ditu zirriborroa osatzeko orduan izan duten parte hartze falta kritikatzeko eta etorkizuneko lege horrek langileen aldarrikapenak barne beharko lituzkeela aldarrikatzeko.
Gogorarazi dutenez, sindikatuok hezkuntza lege "propioa, euskalduna, publikoa, inbertsio eta baliabide nahikoa izango dituena, segregazioari aurre egin eta gizarte kohesioa bermatuko duena, eta langile guztion enplegua eta lan baldintza egokiak bermatuko duena".
Aipagarria da Elkarrekin Podemos-IUren legebiltzarkideak lau indar politikoen arteko bileratik atera direla elkarretaratze horretan parte hartzeko.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.