2021ean EAEn egindako lau delitutik hiru ondarearen aurkakoak izan ziren
Josu Erkoreka Eusko Jaurlaritzako lehen lehendakariorde eta Segurtasun sailburuak gaur goizean aurkeztu du 2021eko Euskadiko delinkuentzia-memoria Eusko Legebiltzarrean. Aipaturiko txostenean, Euskal Autonomia Erkidegoan (EAE) gertatzen diren eta Ertzaintzak eta 15.000 biztanletik gorako udalerrietako udaltzaingoek zenbatutako lege-hausteak jasotzen dira.
Erkorekak azaldu duenez, 2021ean egindako delituen % 74,4 (82.989) ondarearen aurkakoak izan ziren, iruzurrak eta lapurretak batez ere. Ikertutako bost delitutik bat Internet bidez egindakoa da, eta, batez ere, iruzurrak, identitatea usurpatzea, mehatxuak eta hertsatzeak dira. Euskadin 2021ean egindako gainerako arau-hauste penalak pertsonen aurkako delituak izan ziren, eta, orokorrean, 2019an baino gutxiago izan ziren.
Horrela, Euskadiko delinkuentzia-tasa mila biztanleko % 50,4koa izan zen, eta % 8,4 jaitsi da, 2019koarekin alderatuta. Bestalde, Ertzaintzak 2021ean erregistratutako arau-hauste penalen kopuruan ere beheranzko joera hauteman da 2019ko datuekin alderatuta. Euskadi osoan, 111.594 arau-hauste penal izan ziren, 2019an baino % 8,1 gutxiago.
Datuak lurraldez lurralde aztertuta, Bizkaian erregistratu ziren delitu gehien (62.437, 2019an baino % 8,1 gutxiago), Gipuzkoan (33.108, % 3 gutxiago) eta Araban (16.049, % 17,2 gutxiago) baino gehiago.
Hiriburuei dagokienez, delitu-kopururik handiena Bilbon zenbatu zen (25.949, 2019an baino % 10 gutxiago), Gasteizen (13.217, % 13,4 gutxiago) eta Donostiaren aurretik (12.705, % 5,9 gutxiago).
Delitu motak
Homizidioak: 2021ean EAEn burututako 11 hilketetako (6 Gipuzkoan, 3 Bizkaian eta 2 Araban) 2 emakumeen kontrako indarkeria kasuak izan ziren.
Sexu-erasoak: Aurreko urteko datuekin alderatuta, % 29 hazi arren, oraindik ere pandemia aurreko mailaren azpitik daude (% 7,2). Horrelako delitu gehienetan, biktima eta erasotzailea ezagunak dira.
Genero-indarkeria: Delituak egonkor mantendu dira azken urteotan. Ertzaintzak horrelako 5.052 delitu erregistratu zituen iaz. Bikotekideak edo bikotekide ohiak emakume baten kontra erabiltzen du indarkeria hori, eta Euskal Poliziak egiaztatu du lesioak eragiten dituztenak ugaritu egin direla.
Ziberdelinkuentzia: Ertzaintzak ikertzen dituen bost delitutik bat Internet bidez egiten da. Delitu mota hori gora egiten ari da urtez urte. 2021ean, 16.103 erregistratu ziren, 2019an baino % 12,5 gehiago. Ziberdelinkuentziaren esparruan, gehien egiten den delitua iruzurra da (14.338 erregistratu ziren iaz, 2019an baino % 7,8 gehiago), eta ondoren identitatea usurpatzea (651, 2019an baino % 120 gehiago) eta mehatxuak eta hertsatzeak (584, 2019an baino bi aldiz gehiago).
Gorroto delituak: Salaketa kopuruak gora egin du. 2021ean, 277 zenbatu ziren, 2020an baino % 15 gehiago. Gorroto delituen artean ugarienak arrazakeria eta xenofobia dira, eta identitate edo orientazio sexualaren kontrakoak dira ondoren.
Covid-19arekin lotutako delituak: Lege-hauste horiek behera egiten ari dira koronabirusaren zabalkundea eragoztea ezarritako murrizketekin baitu zerikusia. 2021ean, 1.216 arau-hauste izan ziren, 2019an baino % 61 gutxiago.
Zure interesekoa izan daiteke
Giro ezin hobea Bilboko Europako errugbiaren festa handian
Asteburu honetan Challenge Cup eta Champions Cup txapelketetako finalak jokatuko dituzten errugbi-taldeen zaleen arteko giroaz gozatzen ari dira ehunka lagun ostiral honetan Bilbon. Montpellier eta Ulster izango dira elkarren aurka jokatuko duten lehenak, gaur, San Mamesen.
Medikuen sindikatuek ez dute grebarik egingo udan, baina protestak iragarri dituzte udazkenerako
Medikuen sindikatuen konfederazioak espero du Osasun Ministerioak greba batzordea deituko duela berehala, "negoziatzeko benetako borondatearekin". Deialdirik ez badago, udazkenean "gatazka areagotzeko prest" agertu da.
Eusko Jaurlaritzak elikadura-alerta bat zabaldu du EAEn banatutako gazta freskoetan listeria aurkitu baitute
Cerrato, Nativo, Goya eta El Sabor de Casa markek merkaturatutako hainbat produktu daude kaltetuta. Horietako bat etxean dutenei ez kontsumitzeko gomendatu diete agintariek.
Martxan da Bilbon errugbizaleentzako gunea
Gaur eta bihar jokatuko diren Europa mailako bi final handiek 75.000 zale bilduko dituzte guztira. Lehen finala gaur iluntzean jokatuko dute Ipar Irlandako Ulster eta Frantziako Monpellier taldeek. Casilda Iturrizar parkean jarritako gunean hasi dira giroa berotzen.
Nelson David Moreno errudun jo dute, 73 urteko gizon baten hilketagatik
Laugarrenez kondenatu dute auziperatua; guztira, 2021eko udazkenean zazpi gizonezko homosexualen hilketekin lotzen dute.
79 urteko emakume bat larri zauritu da Tafallan, auto batek harrapatuta
SOS Nafarroak jakitera eman duenez, ezbeharra 10:43an izan da, NA-8607 errepideko 4,2 kilometroan, Foruzaingoaren polizia etxearen aurrean, herrigunean bertan. Oinarrizko bizi euskarriko anbulantzia bat eta anbulantzia medikalizatu bat bertaratu dira, eta azken horretan eraman dute Nafarroako Unibertsitate Ospitalera, larri.
Udalekuetan adingabeen babesa indartzeko erreformaren behin betiko testua onartu du Legebiltzarrak
Gazteria Legearen aldaketa Bernedo auziak bultzatu du, eta batzordean eta osoko bilkuran onartu behar da oraindik. 600.000 eurorainoko isunak aurreikusten ditu.
Okupatutako pabiloi bat hustu dute Donostiako Herrera auzoan
Ertzaintzak Donostiako Udaltzaingoarekin lankidetzan burututako operatiboa epailearen aginduz egin da, pabiloiaren jabeak eskatuta. Kale egoeran zeuden sei pertsona kaleratu dituzte, eta horietako bi Polizia Nazionalaren esku geratu dira.
Erromes bat hil da Garesen, ibaira erorita
Gorpua Robo ibaian agertu da, eta Foruzaingoak ikerketa abiatu du gertatutakoa argitzeko.
Trafiko murrizketak Bilbon: hauek dira kaltetutako kaleak eta ordutegiak
Itxierak hasi dira jada San Mames eta Abandoibarra inguruan, eta igande goizaldera arte iraungo dute. Udalak ibilgailuaren erabilera saihesteko eta metroa edo trena erabiltzeko gomendatu du.