Hiruk eta Tradisnak arratsaldean erabakiko dute grebarekin jarraitu edo ez
Oraingoz, Hiru euskal garraiolarien sindikatuak eta Nafarroako Garraiolarien Elkarteak (Tradisna) grebari eutsi diote, baina gaur arratsaldean erabakiko dute grebarekin jarraitu edo ez.
Hiru sindikatutik aurreratu dutenez, gaur arratsaldeko 17:00etan 700 langileak berriro bilduko dira Eusko Jaurlaritzak onartutako neurriak aztertzeko. Iritzi aldaketa baletor, Gipuzkoa, Bizkaia eta Arabako aldundiek aurkeztutako laguntza egitasmoaren ondorioz etorriko litzateke.
Hiru sindikatuak begi onez hartu ditu neurri berriok; izan ere, administrazioak "gutxienez" konturatu dira sektorea hor dagoela. Hala ere ohartarazi du ez dutela greba bertan behera utziko euren aldarrikapenak onartu arte.
Hala, goizean garraiolari talde batek elkarretaratzea egin du Foru Jauregiaren aurrean, Hiruk deituta, erakundeak Gipuzkoako errepideetan jarritako bidesariengatik protesta egiteko.
Alberto Núñez sindikatuko bozeramailearen esanetan, arratsalden bilera egingo dute Aintzane Oiarbide Bide Azpiegituretako diputatuarekin eta Jokin Perona Ogasuneko zuzendariarekin, atzo iragarritako erabakien inguruan hitz egiteko.
Hain justu, gaur goizean "Egun On Euskadi" ETB1eko saioan egin dioten elkarrizketa batean garraiolariak izan ditu hizpide Markel Olano Gipuzkoako ahaldun nagusiak, eta hiru aldundiek proposatutako laguntzak ondo aztertzeko eta denen onerako, gutxinaka, lanera itzultzeko deia egin die. Ahaldun nagusiak azpimarratu duenez, hartu diren neurriak "positiboak" izango dira garraiolarientzat, baina onartu du grebarako eskubidea ere hor dagoela.
Arabako, Bizkaiko eta Gipuzkoako foru aldundiek "premiazko neurri sorta" adostu dute Ukrainako gerraren ondorio ekonomikoei aurre egiteko. Zehazki, 5,4 milioi euro inguruko zuzeneko laguntzak emango dizkiote lehen sektoreari, eta zerga gerorapenak eta salbuespen fiskalak jarriko dituzte langile autonomoen, mikroenpresen eta enpresa txikien esku. Dena ondo bidean, hiru aldundietako gobernu bileretan datorren astean onartuko dituzte neurriok eta "berehala" sartuko dira indarrean.
Zure interesekoa izan daiteke
Metro koadroko 15 litro ur bota ditu ordubetean Gipuzkoan
Urola Erdian eta Urola Kostan bizi izan dira kazkabar eta zaparrada gogorrenak. Abisu horia aktibo izan da 22:00ak arte. Astelehena ere egun eguzkitsua eta beroa izango da eta arratsaldetik aurrera ekaitzak izan daitezke berriz ere.
'Bali' baleak jendetza erakarri du beste behin Bilboko kaleetan
‘Bali’ baleak eta haren itsas animalien segizioak beste urte batez ere jendetza erakarri dute Bilboko Kale Nagusiko desfile jendetsu eta tradizionalean. Ekitaldia Aste Nagusiko hitzordu jendetsuenetako bat bihurtu da dagoeneko, eta aurten Txinako Urte Berriari egindako keinuak ere izan ditu
“Hau ez da kultura, hau tortura da” lelopean, protesta egin dute zezenketen aurkakoek Bilbon
“Hau ez da kultura, hau tortura da” lemapean, zezenen aurkako plataformak dozenaka lagun bildu ditu arratsaldean, Bilboko Zezen plazaren aurrean. Aste Nagusiaren barruan zezen korridak egiten dira eta horiekin amaitzea eskatzen dute. Egunero bilduko dira zezen plaza itxi dezaten eskatzeko.
Bi gazte oso larri erreskatatu dituzte La Morea urtegian
Bainulariek atera dute uretatik 20 urteko gizona, eta suhiltzaileek, berriz, 25 urteko emakumea. Bihotz-biriketako bizkortzeko maniobrak egin dizkiete, eta anbulantzia medikalizatuan eraman dituzte Nafarroako Unibertsitate Ospitalera.
Zaparrada trumoitsuek eta kazkabarrak ezustean harrapatu ditu herritarrak Azpeitian, Zarautzen eta Zumaian
Bero izan da goizean goizetik, bero-hodeiak garatu dira Gipuzkoako hainbat tokitan, eta ekaitzak gogor du Urola Kostan arratsalde erdian. Ondoren, ekaitzak Bizkaiko kostalderako bidea hartu du. Zarauzko pilotalekuko sabaia kaltetu du txingorrak eta partida eten behar izan dute.
TicketBAI sistema txosnetan: aurtengo berritasuna, konpartsen kritiken artean
Kontsumizio bakoitzeko tiketa sortu behar dute, gero Ogasunera helarazi behar duten aitorpenarekin alderatu eta kontrol zehatzago bat egin ahal izateko. Konpartsek salatu dutenez, txosnak jarduera ekonomiko profesionala duten enpresen zakuan sartu nahi dituzte.
Milaka pertsonak erantzukizun politikoak eta suteak prebenitzeko baliabide gehiago eskatu dituzte Jakan
Pirinio Duina Mendiaren Duintasunaren aldeko Mugimenduak deitutako manifestazioan, besteak beste, Peñas de Riglos, Cinco Villas eta Leciñenako suteetan aritu diren suhiltzaileak bildu dira.
Bilbon adin guztietarako jarduerak izan dira Aste Nagusiko lehen orduetan
Bizkaiko hiriburuak Aste Nagusiari ekin dio, eta lehen orduetatik jai-giroa da nagusi bertan. Txikienetatik hasi eta helduenetaraino, denek dute zer egin eta zerekin gozatu.
Bederatzi atxilotu Aste Nagusiko lehen egunean, bi ukituengatik eta beste bat genero-indarkeriagatik
Jai-eremuan (Areatza inguruan eta Euskotreneko geltokian) zein handik kanpo izan dira abusuak.
Tomas Soraluze 'Epelde' trikitilari azkoitiarra hil da 81 urte zituela
'Epelde eta Larrañaga' bikoteko kide izateagatik ezaguna, elkarrekin hiru disko grabatu eta Kupela abesti ezaguna sortu zuten.