Jatorri ezezaguneko hiru hepatitis kasu larri atzeman dituzte Espainian
Madrilgo Osasun Kontseilaritza hiru umeren hepatitis kasu larriak ikertzen ari da, jatorri ezezaguna dutelako. Madril, Aragoi eta Gaztela-Mantxako 3 eta 7 urte arteko hiru adingabe dira.
Guztiek ospitaleratzea behar izan dute Madrilgo zentro batean, eta horietako bati transplante hepatikoa egin behar izan diote. Edonola ere, hirurek hobera egin dute, Osasun Kontseilaritzak azaldu duenez.
Iragan astelehenean, Osasun Ministerioak erkidegoei nazioarteko osasun alerta baten berri eman zien, Munduko Osasun Erakundeak Erresuma Batuko haurretan kasuak antzeman ondoren.
Konkretuki, azken asteetan Erresuma Batuko umeetan hepatitis kasu larriak areagotu direla jakinarazi du ECDC Gaixotasunen Prebentzio eta Kontrolerako Europako Zentroak. Kasuek jatorri ezezaguna dutela ohartarazi du erakundeak.
ECDCk ez daki zein den hepatitis kasuen arrazoia; izan ere, eritasuna eragiten duten ohiko birusak (A, B, C, D eta E hepatitisaren birusak) ez dira agertu. Era berean, ohiko eragileak baztertu dira, bidaia aurrekariak adibidez.
Nazioartean egindako lehen ikerketen arabera, covid-19aren aurkako txertaketarekin edo infekzioarekin zerikusirik ez du gaixotasunak, nahiz eta Ingalaterran ospitaleratutako ume batzuek koronabirusean positibo eman.
Sintomak eta prebentzio neurriak
Sintomak sabeleko mina, gorakoa edo horitasuna dira. Nazioarteko alertaren arabera, gaixo gehienek hobera egiten dute, baina portzentaje txiki batek transplante hepatikoa behar du.
Eskuak sarritan garbitu, ukalondoko barnealdearekin eztul egin eta erabili eta botatzeko mukizapiak erabiltzeko gomendioa eman du Osasun Ministerioak.
Gainera, egun gutxitan sintomak okerrera eginez gero pediatrari kontsulta egitea gomendu dute. Haurrek medikuak edo pediatrak agindutako botikak soilik har ditzaketela gogorarazi dute.
Bestalde, Eusko Jaurlaritzako Osasun Sailak abisu bat bidali die Osakidetzako profesionalei. Ohar horretan jasotako edozein susmo izanez gero, profesionalak harremanetan jarriko dira Osasun Publikoko epidemiologia-zerbitzuarekin. Osasun Sailak lasaitasuna eskatu die herritarrei.
Zure interesekoa izan daiteke
Basauriko hilketa matxista salatu dute Berangon
Berangoko Udalak eta Emakumeen Elkarteak deituta, indarkeria zantzuekin hilda agertu zen 44 urteko emakume berangoztarra gogoan izan dute astearte honetan.
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.