Pazko Asteak euria eta tenperatura jaitsiera ekarriko dizkigu
Pazko Asteari ekin eta berehala, bertan behera geratuko da Aste Santuan nagusitu den giro atsegina, EITB Mediako Meteorologia zerbitzuak eta Euskalmet agentziak egindako iragarpenaren arabera.
Astelehenean ahuldutako fronte batek hodeiak eta euri arina ekarriko dizkigu. Hala, goizean goizetik hodei dezente agertu dira, eta baliteke han-hemenka euri apur bat egitea, batez ere isurialde atlantikoan. Lurraldearen hegoaldean (Nafarroa erdialdea, eta hegoaldean eta Arabar Errioxan) tantaren bat bota badezake ere, oro har, ateri eutsiko dio eta tarteka eguzkia ikusi ahalko dugu. Eguerdi aldera mendebaldeko haizeak iparraldera egingo du, eta arratsaldean indartu egingo da, haizeguneetan bolada gogorrekin. Horren ondorioz, tenperatura maximoek nabarmen egingo dute behera eta 15-16 ºC-ren bueltan geratuko dira.
Asteartean giro bustia eta freskoagoa izango dugu; termometroek ez dituzte 13 ºC-ak gaindituko. Hodei dezente agertuko dira eta zaparradak botako ditu, tarteka mardulak, batez ere isurialde atlantikoan. Bezperan ez bezala, denean egingo du euria. Ekaitzak ere jo dezake, bereziki egunaren bigarren partean. Ipar-mendebaldeko haizea indartu egingo da eta tenperatura are gehiago jaitsiko da: Baionan, Bilbon eta Donostian 13 ºC-ren bueltan ibiliko dira maximoak eta Iruñean eta Gasteizen, 10-12 ºC inguru. Elur maila 1.000 metrora jaitsiko da egunaren amaieran.
Asteazkenean ildo beretik jarraituko du aroak. Hodeiak izango dira nagusi eta aldizka zaparrak botako ditu, sarriago eta ugariago isurialde atlantikoan. Gainera, egunaren lehen partean bereziki, zaparradak trumoitsuak izan daitezke. Ipar-mendebaldeko haizea ibiliko da, tarteka zakar, eta tenperaturan ez da gorabehera handirik izango.
Joeraren arabera, ostegunaren lehen partean giro ilunarekin jarraituko dugu, baina arratsalderako hobera egitea espero da. Tenperaturek gora egingo dute, haize aldaketarekin batera (ekialdera egingo du).
Eguraldiaren inguruko informazio eguneratua izateko, eitb.eus-en ikus dezakezu noiznahi, eta zure argazkiak bidali.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.