Bilbotarrek sariak eskuratu ahal izango dituzte, plastikozko ontziak birziklatzearen trukean
Birziklatzearekin konpromisoa daukaten bilbotarrek sariak eskuratu ditzakete, ostegun honetatik aurrera, edarien plastikozko botilak eta latak birziklatzen dituzten bakoitzean, Bilboko Udalak 'Reciclos' sistemarekin bat egin ostean. Ecoembesek bultzatutako itzulketa eta saritze sistema (ISS) da.
Kepa Odriozola Bilboko Udaleko Zerbitzuetako eta Bizi Kalitateko zinegotziak eta Angel Hervella Ecoembeseko autonomia- eta toki-kudeaketako zuzendariak aurkeztu dute birziklatze-sistema. Horren bitartez, birziklatzen duten herritarrek sariak eskuratzen dituzte, eta ingurunea hobetzeko edo premiak dituzten pertsonei laguntzeko pizgarriak ematen dira. Aldi berean, ontzien zirkulartasuna sustatzen da, hau da, birziklatu ondoren beste bizitza bat ematen zaie.
Hala, bilbotarrek edarien plastikozko botilak eta latak birziklatu ahalko dituzte udalerriko kaleetako 1.549 edukiontzi horietan (teknologia hori jarri baitzaie), eta izaera sozialeko edo ingurumeneko kutsua duten sariak lortu. Esate baterako, patinete elektriko baten zozketan parte hartu ahalko dute, edo 'Reciclos' puntuak Ecoembes basoa sortzen laguntzera bideratu, hondatutako eremu natural bat lehengoratzeko eta zuhaitzak berriro landatzeko.
Kepa Odriozola Bilboko Udaleko Zerbitzuetako eta Bizi Kalitateko zinegotziak esan duenez, Bilbok "ilusio handiz bat egin du 'Reciclos'-ekin. Espero dugu ekimen honek ontzien birziklatze-ratioa hobetzen lagunduko digula". "Hala, birziklatze digitalaren munduan sartuko gara, eta bilbotarrek aplikazioa deskargatu eta edukiontzi horian sartzen dituzten ontziak erregistratu ahalko dituzte. Keinu horrek sariak ekarri ahalko dizkiete, eta horrela Bilborekin, planetarekin eta etorkizuneko belaunaldiekin daukaten konpromisoa erakutsiko dute".
Bestalde, Angel Hervella Ecoembes-en autonomia- eta toki-kudeaketako zuzendariak esan duenez, "Europar Batasunak birziklatzearen alorrean ezartzen dituen helburuak anbizio handikoak dira, eta gizarte osoari esfortzu handia eskatzen diote. Horregatik, Ecoembesek konponbide berritzaileak eskaini nahi dizkio erronka honi; hor kokatzen da 'Reciclos' ekimena. Horrela, ontzien zirkulartasuna sustatzen dugu eta herritarrek, gainera, ingurunea hobetzen dute birziklatzean eskuratzen dituzten sariekin".
Sistema hau erabiltzeko, herritarrek 'Reciclos' doako app-a deskargatu beharko dute eta, etxean, birziklatu nahi duten plastikozko botilaren edo lataren barra-kodea eskaneatu, kubora bota baino lehen. Kalean, ontzien poltsarekin edukiontzi horira joatean, bertan utzi beharko dute, eta edukiontzian dagoen QR kodea eskaneatu.
Erabiltzaileek 'Reciclos'-en makina batean sartu beharko dituzte edarien plastikozko botilak eta latak, eta makinak erakutsiko dien QR kodea eskaneatu. Gainera, 2021etik, proiektuak edukiontzi hori adimentsuak dauzka (uztai teknologiko bat daukate ahoan), bertan sartzen den hondakina identifikatzeko eta prozesua errazteko.
Albiste gehiago gizartea
Hauek dira dermatosi nodularra dela-eta Araban, Bizkaian, Gipuzkoan eta Nafarroan bertan behera utzi dituzten feriak
EAEn eta Nafarroan azaroaren 30era arte egongo da indarrean debekua, eta Ipar Euskal Herrian, berriz, azaroaren hasierara arte. Edozein kasutan, egoera epidemiologikoaren bilakaeraren arabera, lurralde guztietan debekua luzatzea erabaki dezakete.
Olarizuko landare-labirintoa kritiken artean inauguratu dute, landareak ez baitira mardulak
Gasteizko Udalak Olarizuko parkeko landare-labirintoa inauguratu du. 440.000 euroko proiektua da, zati batean Europako funtsekin finantzatua. Hala ere, emaitzak etsipena eragin du bertaratu direnen artean; izan ere, landareak txikiak dira oraindik, eta, hosto erorkorrekoak direnez, bideak erabat agerian daude.
Osakidetzatik erretiratutako hainbat anbulantziak bigarren eskuko merkatuan amaitu dute
2015eko anbulantzia bat, larrialdietako euskal zerbitzu publikoan erabiltzen dena, 7.000 euroan eskaintzen da salerosketa-orri batean, bereizgarriak eta ekipoak oraindik ikusgai dituela. Ambulancias Gipuzkoa enpresa esleipendunak ohartarazi du ezin dutela zirkulatu ikur ofizialak ezabatu gabe.
Bizkaibuseko autobusek segurtasun-manparak izango dituzte erasoak saihesteko
Azken urtean Bizkaibuseko gidariek eta ikuskatzaileek 67 eraso jasan dituzte, 6 eraso fisiko tartean.
Gloria Totoricagüenak jasoko du 2025eko Manuel Lekuona saria, euskal diaspora ikertzen eta zabaltzen egindako lanagatik
Euskal komunitate globalean eta Euskal Herriko errealitate kulturala nazioartean sustatzen espezialista nagusietako bat aitortu du Eusko Ikaskuntzak.
Jendetza hurbildu da gripearen aurkako txertoa jartzeko txertaketa gune handira, Bilbon
Casillako pabiloian dago, eta astelehenetik igandera egongo da irekita, 08:00etatik 20:00etara, gutxienez bi astez. 14 urtetik gorako bizkaitarrak joan daitezke bertara, eta ez da hitzordurik hartu behar. Ilara luzeak eratu dira gaur.
Albiste izango dira: Gripearen aurkako txertoa jartzeko gune handia Bilbon, ganadu azokak bertan behera Euskal Herrian eta klima aldaketaren aurkako eguna
Gaurkoan Orainen albiste izango direnen laburpena, bi hitzetan.
Ba al zenekien zure etxeak urtean 8 tona CO₂ kutsatzen dituela?
Garraioa, elikadura eta etxebizitza dira EAEko etxeetako emisio gehienak.
Planeta berotzea eragiten duten gaur egungo bost ohitura
Poluzio-gune handiez gain (deforestazioa, hondakinak sortzea, ur-baliabideak gaizki erabiltzea, erabilera bakarreko plastikoak gehiegi erabiltzea edo garraioak eta industriak berotegi-efektuko gasak isurtzea, adibidez), badira beste hainbat eguneroko keinu kaltegabeak diruditenak, baina ingurumen-inpaktu sakon eta iraunkorra dutenak.
Ganadu feriak aldi baterako debekatu dituzte Euskal Herri osoan, dermatosi nodularra dela eta
EAEn eta Nafarroan azaroaren 30era arte egongo da indarrean debekua, eta Ipar Euskal Herrian, berriz, azaroaren hasierara arte. Nolanahi ere, egoeraren bilakaeraren arabera, lurralde guztietan debekua denboran luzatzea erabaki dezakete.