Bilbo eta Getxo Itsasadarraren paretik lotuko dituen bulebarraren proiektua aurkeztu du Aldundiak
Bizkaiko Foru Aldundiak hiriburua eta kosta bizkaitarra lotuko dituen bulebarraren proiektua aurkeztu du. Bidegorri batez eta oinezkoentzako pasabide batez osatuta egongo da bulebarra.
Unai Rementeria Bizkaiko ahaldun nagusiak egindako prentsaurreko batean ezagutu ahal izan dira Itsasadarreko bulebarraren nondik norakoak. Bulebarrak Bilbo, Erandio, Leioa eta Getxo lotuko ditu, oraingo BI-711 errepidea espazio berri batean eraldatuta. Zehazki, 6,5 kilometroko luzeran, itsasadarraren eskuinaldeko aurrealdea hiri-bilbean integratuko da, trafikoa geldotuz eta oinezkoentzako pasealeku bat eta bizikleta-bide bat sortuz.
Aurkezpen-ekitaldian, Rementeriarekin batera, Azpiegituretarako eta Lurralde Garapenerako foru-diputatu Imanol Pradales foru diputatua, Bilboko alkate Juan Mari Aburto, Erandioko alkate Aitziber Oliban, Getxoko alkate Amaia Agirre eta Leioako alkate Iban Rodríguez izan dira.
Datorren urtean hasiko dira itsasadarreko oraingo errepidean oinezkoen pasealekua eta bizikleta-bidea barne hartuko dituen bulebarra eraikitzeko lanak; eta 20 milioi euroko inbertsioa egingo du BFAk.
Proiektua gauzatu ahal izateko, BI-711 errepidea eraldatu beharko da, "itsasadarraren ertz osoa bulebar bihurtuko du, pertsonek gozatu dezaten, eta lehenaren eta ondorengoaren arteko muga ezarriko du bizitzeko eta mugitzeko moduan".
Batetik, bulebarra Getxo eta Bilbon dagoeneko dauden bidegorriekin lotuta egongo da eta, bestetik, Ezkerraldeko bizikleten eta oinezkoen sareekin konektatuta egongo da, Aldundiak Erandio eta Barakaldo artean eraikiko duen zubi mugigarriarekin.
Bulebarrak oinezkoen pasealekurako hiru metroko sekzio bat izango du ibilbide osoan zehar, Itsasadarretik hurbilen dagoen bandatik igaroko dena, eta, haren ondoan, lau metroko zabalerako bizikleta-bide bat. Motordunen zirkulazio geldorako errepidea 6,8 metrokoa izango da.
Espazio nahikorik eskaintzen ez dagoen tarteetan, espazioa plataformen bidez irabaziko da. Trazatuaren 6,5 kilometroetatik, 1,8 kilometro gehiago plataforma eraiki beharko da, hegan edo piloten gainean, zeinek 5,9 metroko zabalera izango duten gehienez ere.
Aurkezpenean Rementeriak esan duenez, proiektua "iraultzailea" izango da. Halaber, ziur agertu da "uraren aurrealdea berreskuratzeak era guztietako aukera berriak sortzen lagunduko duela".
Lamiakon, trafikoa barruko errepidetik desbideratuko dute, bulebarrak Itsasadarraren ondoko lekua hartuta
Inbertsioa eta epeak
Itsasadarreko bulebarraren trazatu-proiektua informazio publikoaren izapidearen pean jarriko da, datozen egunetan; ondoren, eraikuntza-proiektua egingo da. Eraikuntza proiektuak —abuzturako aurreikusita dago onartzea— behar den inbertsioa eta eraikitzeko epeak zehaztuko ditu. Dena den, Foru Aldundiak 20 milioi euroko inbertsioa egin beharko dela uste du, eta, haren iritziz, obrak 2023ko apirilean hasiko dira, eta 2024ko bigarren erdialdean amaitu.
Zure interesekoa izan daiteke
54 urteko motor gidari bat hil da AP-8 autobidean, Zarautzen
Ezbeharra 09:00ak aldera jazo da, Bilborako noranzkoan. Ertzaintzak ikerketa abiatu du istripuaren nondik norakoak argitzeko.
Etxera itzuli dira Ordizian su hartu zuen eraikineko bizilagunak
Bi familia, baina, ezin izan dira etxera bueltatu, suak belztuta utzi baitu haien etxebizitza. Ilunpe tabernan ere kalte handiak eragin ditu suteak. Hodi bat hautsi da, eta ura etengabe erori omen da bertara.
Gizon bat atxilotu dute Iurretako paper fabrikan izandako sutean nahasita dagoelakoan
36 urteko gizona, enpresako langilea, atzo goizean atxilotu zuten, kalteak egitea egotzita, eta gaur eraman dute epailearen aurrera. Ikerketak irekita jarraitzen du.
Emakume bat hil da Iruñean etxebizitza batetik erorita, eta gizon bat atxilotu dute
Goizaldean jazo da, Sanduzelai auzoan. Udaltzaingoak gizon bat atxilotu du, indarkeria matxistagatik epaitu ostean ezarri zioten urruntze agindua urratzeagatik, eta ikerketa abiatu du hilketa matxista izan den argitzeko.
Basauriko hilketa matxistaren ustezko egilea espetxeratu dute, indarkeriaz egindako lapurreta bat egotzita
Bilboko Udaltzaingoak ostiral gauean atxilotu zuen, lapurtzeko asmoz bi gizon jotzea egotzita. Ordu batzuk lehenago, arratsaldean, beste pertsona batek haren kontrako salaketa jarri zuen, lesio larriak eragitea egotzita. Duela astebete pasatxo utzi zuen aske Bilboko Guardiako Epaitegiak.
Emakume baten gorpua aurkitu dute Zumaiako Itzurun hondartzan
Paseatzen ari zen pertsona batek aurkitu du hilotza, eta indarkeria zantzurik ez badu ere, Ertzaintzak ikerketa abiatu du gertatutakoa argitzeko.
Bi gizon atxilotu dituzte Tolosan pertsonen trafiko irregularra egotzita
Larunbat goizaldean, Ertzaintzaren patruila batek ibilgailu bat geldiarazi zuen, eta jabetu zen barruan sei pertsona zihoazela, bat maletategian. Gerora egiaztatu zutenez, bidaiariek dirua ordaindu zuten Irunera eta Parisera eramatearen truke. Gidaria eta maletategian zihoan gizasemea atxilotu, eta ertzain-etxera eraman zituzten, epailearen esku utzi aurretik egin beharreko izapideak betetzera.
Primitivak hiru milioi eta erdi euro baino gehiago utzi ditu Bizkaian
Sariaren zenbatekoa bi zatik osatzen dute: 2.422.493,36 euro, kategoria bereziari dagozkionak, eta horiei 1.113.371,22 euro gehitu behar zaizkie, lehenengo kategoriakoak (sei asmatutakoak), aurreko zozketetan ez baitzegoen asmatzailerik kategoria horretan.
Gasteizko parrokiek aldi baterako estalpea eman diete asiloaren zain dauden Maliko migratzaileei
San Joakin eta Santa Ana parrokiak eta Elurretako Andre Mariarenak ateak ireki dizkiete 20 maliarri. Salburuako Auzo Elkarteari esker, beste 20 etorkinek gutxieneko zerbitzuak dituzte. Asilo eskaerak tramitatzeko hitzorduak lortzea eragozten dien blokeoa tarteko, 300 maliar baino gehiago igaro dira jada Gasteiztik iazko udaz geroztik.
Bilbon arma zuriz egindako eraso baten egilearen bila ari da Ertzaintza
Segurtasun Sailak jakinarazi duenez, 15:00ak aldera jakinarazi diote Ertzaintzari gizon bat zaurituta zegoela Bilbo Zaharrean. 33 urteko biktimak arma zuriz egindako zauriak zituen, eta Basurtuko Ospitalera eraman dute.