Aske utzi dituzte Bilboko istiluetan atxilotutako bi pertsonak
Igandean Israelgo Hapoel Holon saskibaloi taldearen zaleen eta Palestinaren aldekoen artean Bilbon izandako istiluetan atxilotutako bi pertsonak aske utzi dituzte, Eusko Jaurlaritzako Segurtasun Sailak jakinarazi duenez.
Gazte bat Villarias kalean atxilotu zuten, lesioak eta desordena publikoak egotzita. Bigarren pertsona, ostera, Areatzan atzeman zuten, desobedientzia larria egotzita.
Basketball Champions Leagueko lauko finalaren harira Bilbora heldutako Hapoel Holon saskibaloi taldearen zaleak Palestinaren aldekoen kontra oldartu dira bart, eta kalteak eragin dituzte hiriko hainbat tokitan.
Palestinaren aldeko ekintzaileek eguerdirako deitutako manifestazioaren ostean istiluak gertatu ziren, eta Israelgo ultrek aulkiak eta mahaiak jaurti zituzten. Ondorioz, kalte materialak eragin zituzten, bai hiri-altzarietan, baita inguruko hainbat ostalaritza-lokaletan ere. Gainera, Hapoel Holonen jarraitzaileek Palestinako bandera bati su eman zioten.
Partidaren ostean, liskarrak izan ziren berriro hiriko beste hainbat puntutan, nahiz eta Ertzaintzako agenteak Israelgo jarraitzaileekin batera joan ziren Miribillatik irtendakoan. 18:15 aldera, gazte bat atxilotu zuten Villarias kalean, lesioak eta desordena publikoak egin izana egotzita.
Istiluek jarraipena izan zuten Zazpikaleetan, eta, 21:00ak aldera, beste pertsona bat atxilotu zuten Areatzan, desobedientzia larria egotzita.
Atxiloketa horien aurrean, Sare Antifaxistak "ultra sionistei aurre egiteagatik" atxilotutakoak aske uzteko eskatu zuen. Era berean, azken hiru egunetan hiriko bizilagunek Hapoelen jarraitzaileen "eraso eta probokazioak" jaso dituztela salatu du.
Zure interesekoa izan daiteke
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.