Bost adingabe eta gazte bat atxilotu dituzte Bilbon, zenbait lepoko tiraka lapurtzeagatik
Ertzaintzak 17 urteko bost adingabe eta 18 urteko gazte bat atxilotu ditu azken orduetan, ustez zenbait urrezko eta zilarrezko kate tiraka eta bortizki lapurtzeagatik. Adingabeak euren tutore legalen eskura ipini dituzte.
Eusko Jaurlaritzako Segurtasun Sailaren arabera, lehen gertakaria osteguneko 15:30ak aldera izan zen, Bilboko Alde Zaharrean.
Biktimak, beste hainbat kiderekin batera ikasbidaian zegoen adingabeko turista frantziar batek jakinarazi zuenez, hiru gazte hurreratu zitzaizkion. Hala, horietako bik distraitu bitartean, hirugarren bat atzetik oldartu zitzaion eta bularrean kolpatu zuen, lepoan zeraman urrezko katea bortizki erauzi ziolarik.
Lapurrak ihesean atera ziren, baina zenbait minutu beranduago Ertzaintzaren patruila batek horietako bi aurkitu zituen, lekukoen deskribapenari esker. Atxilotuak, 17 eta 18 urtekoak, polizia-etxera eraman zituzten eta, eginbideak burututa, adingabea bere tutore legalaren esku ipini zuten.
Bestalde, ostiral goizaldean, 112 SOS Deiak zenbakiak beste biktima baten deia jaso zuen, Bilboko Abando auzotik zebilela lepokotik tiraka egin ziotela esanez. 17 urteko salatzaile horri ere hiru gazte hurbildu zitzaizkion eta, "zentzugabeko" elkarrizketa baten ostean, lepoan zeraman urrezko katea erauzteko asmoz oldartu zitzaizkion.
Ertzaintzaren patruila bat babes zibil lanak egiten ari zen inguruetan, emandako ezaugarri fisikoekin eta janzkerarekin bat zetozen bi gazte aurkitu zituenean. Biktimak haiek zirela frogatu ostean, lapurreta bortitzagatik atxilotu zituzten.
Ezaugarri horietako azken delituzko ekintza ostiral gauean izan zen, Bizkaiko hiruburuko Alde Zaharrean. Bi gazte hurbildu zitzaizkion 19 urteko biktimari eta, horietako batek elkarrizketa hutsal batekin entrenitu bitartean, besteak bularra kolpatu zion, eta zilarrezko katea kendu.
Harrapatutako ondasuna lortuta, gizabanakoek ihes egin zuten, baina zenbait minutu beranduago gertakarien tokitik hurbil harrapatu zituen Ertzaintzaren patruila batek. Horietako batek lapurtutako katearen ezaugarriekin bat zetorren katea zeramala ikusita, atxilotu egin zituzten.
Atxilotuak, 17 urteko bi adingabe, polizia-etxera eraman zituzten eta euren tutore legalen esku ipini zituzten, adingabeen fiskaltza gertatutakoaz ohartarazi ostean.
Zure interesekoa izan daiteke
Pantailak Euskaraz plataformak txalotu egin du ETB1 ONen haurrentzako edukiak eskaintzeko erabakia
Apirilaren 13tik aurrera, EITBk bikoiztu egingo du ETB1 ONen seinalea, eta 07:00etatik 19:00etara haurrentzako euskarazko edukiak eskainiko ditu, etenik gabe, telebista konbentzionalean.
Ehunka herritarrek Berrizen atzo izandako hilketa matxista saiakera salatu dute
'Erasoen aurrean, autodefentsa feminista' goiburupean, manifestazio zaratatsua egin dute gaur arratsaldean Berrizen. Ehunka herritar batu dira Mugimendu Feministak deitutako protestara, atzo izandako eraso matxista irmo salatzeko. Emakundek ere bat egin du deialdiarekin.
Basauriko hilketa matxista salatu dute Berangon
Berangoko Udalak eta Emakumeen Elkarteak deituta, indarkeria zantzuekin hilda agertu zen 44 urteko emakume berangoztarra gogoan izan dute astearte honetan.
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.