Hiltegi bat itxi dute, lokal asiarretan okela osasun-kontrolik gabe saltzeagatik, horietako bat Basaurin
Naturaren Babeserako Zerbitzuko (Seprona) Guardia Zibileko agenteek Madrilgo lursail batean kokatutako legez kanpoko hiltegi bat itxi dute, Nekazaritza, Abeltzaintza eta Elikadura Zuzendaritza Nagusiarekin batera eta Elikagaien Segurtasunaren eta Ingurumen Osasunaren Zuzendariordetza Nagusiaren babesarekin. Horretarako, ikuskapenak egin dituzte erkidego desberdinetako lokal asiarretan, Basauriko (Bizkaia) lokal bat tartean, horietara baitzihoan inolako osasun-kontrolik gabeko okela.
Sepronak elikagai iruzurraren aurkako kontrolak areagotu zituen, iragan otsailean Madrilgo Erkidegoan antzemandako lehen hegazti-gripe kasuaren berri izan ostean.
Operatibo horri esker, agenteek Madrilgo lursail bat aurkitu zuten. Bertan animaliak sakrifikatzen zituztela eta ustiategian bertan gorpuzkiak erretzen zituztela egiaztatu zuen Guardia Zibilak. Jakin zuen furgonetetan zein hotz-katerik gabeko autoetan ateratzen zutela sakrifikatutako animalien okela.
Salerosgai horiek Fuenlabradako poligono batera garraiatzen zituzten batzuetan, eta bertatik jatetxeei banatzen zizkieten. Besteetan, saltoki bateko hozkailuetan gordetzen zuten okela, ondoren mezularitza zerbitzu baten bitartez banatzeko.
Inolako osasun-kontrolik gabe garraiatzen zuten produktua. Hori dela eta, ustiategiaren eta banaketaren arlo administratiboko egiaztapen guztiak eginda, abeltzaintza ustiategia arakatu zuten Nekazaritza, Abeltzaintza eta Elikadura Zuzendaritza Nagusiko ikuskatzaileekin batera, epailearen baimenarekin.
Lursailera sartzean, agenteek 650 animalia aurkitu zituzten (oiloak, ahateak, ahuntzak, txerriak eta astoak), eta koarentenan ipini zituzten, Erkidegoko langile teknikoek zegozkien probak egiteko. Proba horiek emaitza positiboa eman zuten salmonellan eta, hortaz, animaliak sakrifikatzeko agindua eman zuten.
Lokalaren osasungarritasunik ezak sei pertsonaren atxiloketa eragin zuen. Jarraian, operatiboak banandutako jenero guztiaren bilaketari eta konfiskatzeari ekin zion.
Gainera, Guardia Zibilak beste hamabi pertsona ikertu ditu iruzur delituengatik, merkatuaren eta kontsumitzaileen aurka eta osasun publikoaren aurka. Publikoari helarazteko prest zeuden 350 kilo okel konfiskatzea baimendu du operazioak.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.