Gutxienez 24 herri hustu dituzte, milaka hektarea erre dira eta kalte materialak handiak izan dira
Oraindik aktibo daude atzo Nafarroan piztutako suteetatik sei, eta horiek itzaltzeko buru belarri lanean dihardute Nafarroako suhiltzaile guztiek zein ingurutik, Arabatik, Bizkaitik, Gipuzkoatik eta Errioxatik joandako suhiltzaileek. Horrez gain, Espainiako Gobernuak UMEkoak bidali ditu, baita sua itzaltzeko baliabideak ere.
Suterik bortitzenetako bat Legarda inguruan piztu zen atzo eta iparraldera joan da Argiñaritzera iritsi arte. Hainbat etxe erre dira bertan gaur.
San Martin Unx eta Uxue artean piztu den sutea ere oso bortitza da eta lanak ematen ari da. Inguruko hainbat herri hustu behar izan dituzte: Makirriain, Santsoain, Olleta, Lerga...
Belaskoainen ere indarra hartu du suak, baita Girgillao inguruan ere. Suteak daude, gainera, Artazun, Los Arcosen -egonkor-, Ezkaba mendian -Berriozar aldetik- eta Iratxeta inguruan Orbaibarren.
Zorionez, atzo Arguedas eta Valtierra artean piztu zen suteak (Sendaviva hustea eragin zuen) onera egin du eta egonkortze fasean dago. Dena dela, haizea zakar jotzen ari da, eta estu zaintzen ari dira edozein unetan berpiztu daitekeelako.
SOS-Nafarroak sare sozialetan jakitera eman duenez, sute asko berpizten ari dira, eta, aipatutakoez gain, beste hainbat sute ere kontrolatu nahian ari dira.
Valtierrako adinekoak euren egoitzara itzuli dira
Atzo, 70 egoiliar atera zituzten Valtierrako adinekoen egoitzatik, eta Zizurrera eraman zituzten. Gaur, egoerak inguru horretan onera egin duenez, berriz ere Valtierrara eraman dituzte.
San Martin Unxeko egoitzan bizi diren 37 pertsona, berriz, handik atera eta Lodosara eraman dituzte. Udalerriko gainontzeko biztanleak, ostera, Tafallan daude babes hartuta.
24 herri hustu dituzte
Atzoko 21:30 arte Obanos, Legarda, Muruzabal, Belaskoain, Zabaltza, Ubani, Garesko hegoaldea, Elio, Etxarri, Ziritza, Bidaurreta, Mendigorria, Valtierra (zati bat) eta Argiñaritz hustu zituzten. Atzo gauean, etxera itzuli ziren gutxi batzuk, eta, besteak, gehienak, gaur goizean.
Igande honetan, baina, beste 11 herri hustu dituzte: Girgillao, Etxarren Girgillao, San Martin Unx, Makirriain, Santsoain, Olleta, Lerga, Artatzu, Eslaba eta Biguria.
Kalte materialak
Kalteei dagokienez, suak etxeak eta ondasunak kaltetu ditu Obanosen, Arguedasen eta Valtierran, baita Sendaviva parkeko zati batean ere. Gainera, hainbat etxe erre dira gaur arratsaldean Argiñaritzen.
Cadreitako poligonoan Planasaren instalazioak eta pneumatiko enpresa bat kaltetu ditu suak, eta kalteak izan dira Etxarrin eta Garesen ere. Valtierran eta beste herri batzuetan izan diren argindar arazoak konponduta daude jada.
Zure interesekoa izan daiteke
Mafiek Ceutako migratzaileekin trafikatzen dutela ohartarazi du Polizia Nazionalak
Angel Victor Torres Lurralde Politikako eta Memoria Demokratikoko ministroak koordinatuko du Espainiako Gobernuaren barruan Ceutako krisiak eragindako egoera.
Palestinarekin Elkartasuna elkarteak gogorarazi du Palestinako erasoek "ez dutela etenik" eta beste mobilizazio bat deitu du urrirako
Palestinarekin Elkartasuna plataformak deituta, manifestazioa egin dute ostiral honetan Bilbon, Palestinari elkartasuna adierazteko. Manifestariek salatu dutenez, su-etena hasi zenetik palestinarren aurkako sarraskia ez eteteaz gain, Israelgo Gobernuak Libanora eta Iranera zabaldu ditu erasoak. Urriaren 3an beste manifestazio bat egingo dute, Bilbon.
Lezoarrak kezkatuta daude Pasaiako portuko isuriekin eta neurriak eskatu dituzte
Azken sutearen ondorioz, leihoak ixteko deia egin diete agintariek. Horrelakoak eguneroko kontua direla salatzen dute eta elkarretaratzea egin dute udaletxe aurrean. Portuan lan egiten duten enpresek euren osasunaren kontura ateratzen dituztela etekinak diote eta agintariei neurriak hartzeko eskatu diete.
Riglosko sute handia kontrolpean dute, eta ebakuatuak etxera itzuli dira
Aragoiko Gobernuak babes zibileko gutxieneko mailara jaitsi du alerta azken ebakuatuak beren etxeetara itzuli ondoren, nahiz eta operatiboak lanean jarraitzen duen 14.500 hektareako perimetroa finkatzeko.
Sagardogileek sagar-bilketa aurreratu dute lehortearen ondorioz, eta aurtengo uzta % 30-35 txikiagoa izango dela aurreikusi dute
Uda lehorraren ondorioz, ekoizle batzuek uzta aurreratu dute, eta beste batzuek datozen egunetan ekingo diote bilketari. Kanpainaren emaitza irailean aurkeztuko dute Villabonako sagasti esperimentalean.
Aurtengo Aste Nagusia azkena izango da Juan Mari Aburtorentzat Bilboko alkate bezala
12 urtez alkate izateak ematen duen perspektibarekin, Aste Nagusiak izan duen bilakaeran herritarren parte-hartzea nabarmendu du. Oraindik bada zer hobetu eta kontuan hartzeko moduko kezkak eta erronkak. Horren harian, konpartsekin gorabeherak izan arren, gaur egun harremana errespetuzkoa dela esan du. Jaia lehertzeko egun bakarra falta denean, alkateak ere urduri eta emozio handiz bizi ditu ordu hauek.
Txosnak "gune seguruak" izango dira Aste Nagusian erasoak jasaten dituztenentzat
Bilboko Konpartsek egunero txandak antolatuko dituzte erasoa jasan duten pertsonei arreta emateko, leku seguru batera laguntzeko eta, hala eskatuz gero, beste eragile batzuekin harremanetan jartzeko.
Ertzaintzak kontrolak egingo ditu Aste Nagusian, armak eta objektu arriskutsuak dituzten pertsonak sar ez daitezen
Operatibo berezi horren barruan, bideozaintza ezarriko da eraso sexistak prebenitzeko, patinete elektrikoen erabilera kontrolatuko da eta garbiketa-dispositibo bat zabalduko da.
Herritarrak konfinatu dituzte hainbat orduz Pasaiako portuan piztutako sute baten ondorioz sortutako keagatik
Sua gaur goizean piztu da Pasaiako portuko desegite-gune batean, eta, batez ere, autoak eta bateriak erre dira. Ke-laino handiaren ondorioz, larrialdi zerbitzuek ES-Alert bat aktibatu eta konfinamendua eskatu dute, batez ere Lezoko herritarrei. Airearen kalitatea normala zela egiaztatu ondoren kendu dute abisua.
Euria Urzainkiko sutea itzaltzen laguntzen ari da, baina ibilgailuen sarbidea zailtzen du
Baso-pistak ezin dira ibili, lurraren ezegonkortasuna areagotu eta elementuak erortzeko aukera baitago. Horrek arriskua areagotu du, eta bigarren mailako sute-guneak sortzeko probabilitatea handitu du.