Gora egin dute Euskadin covid-19ak eragindako heriotzek, ospitaleko presioak eta intzidentzia metatuak
30 pertsona hil dira Euskadin covid-19aren ondorioz azken astean, aurreko zazpi egunetan baino bederatzi gehiago, eta gaixotasun horren ondorioz gela arruntetan ospitaleratutako pertsonen kopurua 410era igo da joan den igandean, eta horiei 12 gehitu behar zaizkie ZIUetan, duela astebete baino bat gutxiago. Oro har, covid-19aren adierazle guztiek gora egin dute aurreko asteekin alderatuta.
Hala, Eusko Jaurlaritzako Osasun Sailak astelehen honetan argitaratutako azken buletin epidemiologikoaren arabera, ekainaren 20tik 26ra bitartean 5.543 kasu positibo erregistratu dituzte, aurreko asteko 4.395 kasuen gainetik. Datu hori egindako 20.488 proben % 27,1 da. Horietatik 3.478 positiboak dira 60 urtetik gorakoetan, kolektibo horretan egindako 11.162 proben % 31,2.
14 eguneko intzidentzia-tasa metatua ere igo egin da, 453,13 puntukoa da 100.000 biztanleko. Aurreko astean adierazle hori 371,28 puntuan zegoen. 60 urtetik gorako biztanleriari dagokionez, 898,17 kasu daude 100.000 biztanleko, eta joan den astean, berriz, 731,13 ziren.
Lurraldez lurralde aztertuta, intzidentzia metatua 396,14 kasukoa da Araban, 451 kasukoa Bizkaian eta 469,20koa Gipuzkoan. Hiriburuei dagokienez, Gasteizek 419,23 puntu ditu, Bilbok 564,40 eta Donostiak 573,90.
Oinarrizko birsorkuntza indizeari dagokionez, covid-19aren hedapena neurtzen duena, 1,12koa da, eta zazpi egun lehenago, berriz, 1,08koa. Lurraldez lurralde aztertuta, indize hori handiagoa da Araban (1,16) Bizkaian (1,11) eta Gipuzkoan (1,12) baino.
Txertaketa
Osakidetzak covid-19aren aurkako 141.948 txerto pediatriko eman ditu astelehen honetara arte, duela astebete baino 197 gehiago. Horrela, 5 eta 11 urte bitarteko euskal haurren % 48,2k osatu du txertaketa jarraibidea, eta % 60,6k gutxienez dosi bat du; bi kasuetan aurreko astean baino hamarren bat gehiago.
Eusko Jaurlaritzako Osasun Sailaren azken txertaketa buletinaren arabera, zehazki, 87.830 haurrek jaso dute gutxienez dosi bat, eta 69.883k osatu dute txertaketa jarraibidea.
Helduen artean, covid-19aren aurkako 4.662.537 txerto eman dituzte lehen eta bigarren dosiak barne, baita dosi bakarrak eta indargarriak ere.
Zure interesekoa izan daiteke
Almeriako sutea: 12 pertsona hil dira, beste 23ren berririk ez dago eta lau zauritu larri daude
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Desagertutakoen harira esan du ez direla zertan hilda egon behar, "ezta gutxiago ere". Oraingoz, Guardia Zibilak ez du biktima gehiago topatu etxez etxe egindako miaketetan.
Larrialdi zerbitzuek lanean dihardute Ezkarain bost pertsona ebakuarazi dituen sutea itzaltzeko
Ostegun gauean Ezkaraiko Ayabarrena auzo inguruan piztutako baso-suteak aktibo jarraitzen du, eta jada 105 hektareari suntsitu ditu. Errioxako Gobernuak emandako lehen hipotesien arabera, inguruan izandako ekaitzaren tximista batek jota piztu da sutea. Sutearen bilakaerak prebentzioz bost pertsona Ayabarrenatik ateratzera behartu ditu, eta larrialdi-taldeek lanean jarraitzen dute suaren hedapena gelditzeko.
Auzitegi Nazionalak bi agintari militar israeldar ikertuko ditu Global Sumud Flotillako kideak atxilotzeagatik
Epaileak ez ditu tramiterako onartu Israelgo ontzietan edo Israelgo lurraldean egindako gertakariei buruzko kereilak, uste baitu tripulatzaileak Israelera eraman zituztenetik gertakariak jada kanpo geratzen direla ontzian bertan egindako delituetatik.
1.000 agente baino gehiago izango dira aurten Baionako bestetan segurtasuna bermatzen
Sexu erasoez gain, 2023an eta 2024an izandako bortizkeria kasuak saihestu nahi dituzte agintariek. Adingabeen gurasoei "arduraz" jokatzeko deia egin diete mozkortutako adin txikikoekin arazorik ez izateko.
Belarrak hazteari utzi dio Aralarren, eta abeltzainak arduratuta daude
Aralarren zelaiak lehorrak daude eta egoera kezkagarria da abeltzaintzarako, hezetasun faltagatik belarrak hazteari utzi baitio. Gaur egun, 16.000 ardi, 1.100 behor, 1.200 behi eta 400 ahuntz inguru elikatzen dira larre hauetan. Mendian baliabiderik gabe geratuz gero, kontingentzia-planak aztertuko dituzte. Egoera honek kolpe ekonomiko handia dakar lehen sektorearentzat, eta jada ondorio zuzenak izaten ari dira.
Altza eta Pasaia artean Topoaren maiztasuna bikoiztuko dute uztailaren 18tik aurrera
Saihesbide berriari esker, Amararekin lotura 7,5 minutuan behin egingo dute trenek. Martxan jarri arte, hilabetez, ibilbide berrian trebatzen egon dira 150 makinista.
Linea elektrikoko zutoin baten erorketa izan daiteke Almeriako sutearen jatorria
Los Gallardos herritik gertu dagoen errepide bazter batean hasi zen sua, bi puntatan argindarra zuen kable apur bat tarteko. Haize biziaren ondorioz, bi orduan 15 kilometrotan barrena zabaldu zen sua.
Zuzendu dituzte euskaraz egindako baxoko matematikako azterketak
Proba euskaraz egiteko hautua egin zuten ikasleak zoriondu egin ditu Seaskak. "Egoera korapilatsua eta nahasgarria izan arren, ausardiaz eta erantzukizunez jokatu dute", esan du Ipar Euskal Herriko ikastolen federazioak.
Kamioien trafikoa debekatuta egongo da Euskadin abuztuaren 12an, eklipsea dela eta
CETMren arabera, neurri horrek nabarmen handituko ditu kate logistiko osoaren kostuak, eta erabakia berriz aztertzeko eskatu dio Eusko Jaurlaritzari.
Hamabi sexu-eraso salaketa eta hamar atxilotu, sanferminetako lehen lau egunetan
Aurtengo San Fermin jaiek bidearen erdia egin dutenean, Inma Jurio Nafarroako Gobernuko Barneko, Funtzio Publikoko eta Justiziako kontseilariak orain arteko segurtasun-balantzearen berri eman du.