EAEko biztanleen % 13 baino gehiago genero-identitateak eragindako indarkeriaren lekuko izan da
EAEko biztanleen % 13,5ek adierazi du sexu-orientazioak edo -identitateak eragindako eraso fisikoen lekuko izan dela, eta % 60k aitortu du LGTBI kolektiboak ikusezintasuna eta mugak dituela bere nortasuna askatasunez adierazteko orduan.
Ikuspegik egindako Neurtu 2021 txostenaren ondorioetako batzuk dira horiek, aurten sexu- eta genero-aniztasunarekiko pertzepzioak eta jarrerak giltzarri izan dituena.
LGTBIQ+ Harrotasunaren Nazioarteko Eguna dela eta, Eusko Jaurlaritzak astearte honetan eman ditu ezagutzera inkestaren emaitzak prentsaurreko batean. Bertan, Monika Hernando Eusko Jaurlaritzako Giza Eskubideen, Biktimen eta Aniztasunaren zuzendariak, Gorka Moreno EHUko Bizkaiko Campuseko errektoreordeak, Julia Shershneva Ikuspegiko zuzendariak eta Lia Gonzalez Ikuspegiko ikertzaileak parte hartu dute.
"EAEko gizartearen zati oso zabal bat sexu- eta genero-aniztasunaren eta LGTBI kolektiboaren bereizkeriarik ezaren aldekoa da, batik bat araudi-alderdietan eta formaletan", azaldu du Hernandok; izan ere, Euskal Autonomia Erkidegoko biztanleen % 86,3 alde dago erakundeek LGTBI pertsonen aukera-berdintasuna berma dezaten.
Hala ere, EAEko biztanleen % 50ek adierazi dute norbaiti buruzko iruzkin negatiboak edo zurrumurruak entzun edo ikusi dituela, sexu-orientazioa eta/edo sexu- edo genero-identitatea dela-eta, baita isekak, txantxak, txisteak, imitazioak edo keinu iraingarriak ere. Halaber, herritarren % 42,5ek adierazi dute irainak entzun dituztela, hala nola "marikon", "bollera" edo "travelo" bezalako hitzak, eta % 17,9k adierazi du mehatxuen berri izan duela.
Halaber, txostenak gaineratzen du ikertutako pertsonen % 22k aitortzen duela bazterketaren lekuko izan direla. Eta argitaratu den beste datu kezkagarri bat da EAEko biztanleen % 73,8k ez dakitela zer eskubide dituzten diskriminazioaren biktima izanez gero.
Datuen arabera, % 90ek baino gehiagok onartzen dute lesbianen eta gayen ezkontzarako eskubidea, eta % 80k LGTBI pertsonek seme-alabak dituzten familiak osatzeko eskubidea, adopzioaren bidez edo legez araututako beste bide batzuen bidez.
Ikuspegiren zuzendariak nabarmendu duenez, "LGTBI pertsonekin lan-espazioa partekatzeari dagokionez onarpen-maila % 95 ingurukoa den arren, paradoxikoki, euskal gizarteak lan-eremuan hautematen duela kolektiboaren aurkako diskriminaziorik handiena"; izan ere, galdetutako pertsonen % 48,6k uste dute LGTBI pertsonek zailtasun erantsiak dituztela lana aurkitzeko.
Zure interesekoa izan daiteke
Adin txikiko baten irudiarekin lagun bati estortsioa egiteagatik bi pertsona atxilotu dituzte Iruñean
Mehatxu eginez ia 50 mila euro lortu zituzten. Estortsioa jasan zuen gizonak berak aurkeztu zuen salaketa, eta horren ostean atxilotu dituzte 31 urteko gizona eta 29 urteko emakumea.
Juan Mari Aburto: "Ekitaldien alkatea baino, nahiago nuke igogailuen alkate gisa oroitua izatea"
Radio Euskadin egindako adierazpenetan, Juan Mari Aburto Bilboko alkateak adierazi du Aste Nagusiaren hirugarren jardunaldian zortzi atxilotutu egon direla eta 48 salaketa jarri direla, iazko epe berean baino kopuru txikiagoak. Halaber, azaldu du bere agintaldian Bilbon ekitaldi handiak antolatu diren arren, 'igogailuen alkatea' bezala oroitua izatea gustatuko litzaiokeela, horrek herritarren bizi-kalitatea hobetzen lagundu izanaren aitorpena baita.
Zortzi atxilotu eta 55 kilo janari konfiskatu dituzte Bilboko Aste Nagusiko hirugarren egunean
Jai-esparruaren barruan, lau pertsona atxilotu dituzte ebasketagatik, bi iruzurragatik eta zazpigarren bat erresistentziagatik. Jai-eremutik kanpo pertsona bat atxilotu dute, epailearen aginduz.
Ekaitz bortitz batek ia 90 litro utzi ditu metro koadroko hiru orduan Tarragonan
Suhiltzaileek 491 intzidentzia artatu dituzte denboraleagatik Katalunian, eta gorabehera handienak Tarragonan izan dira, 434 jarduketarekin. Azken datuen arabera, 30 zauritu izan dira, eta horietatik lau erietxera eraman dituzte.
Euskadin beroari lotutako ia 300 heriotza posible erregistratu dira udan
Adinari begiratuta, hildakoen % 92k 65 urte baino gehiago zituzten, Carlos III.a Osasun Institutuaren Eguneko Hilkortasuna Monitorizatzeko Sistemaren (Momo) kalkuluen arabera.
Bizkaiko pentsiodunek manifestazioa egin dute gaur Bilbon, Aste Nagusian, pentsio duinen alde
Aste Nagusiko giroan deitu dute manifestazioa, "jaietan ere, pentsionistak kalean" daudela gogorarazteko. Eusko Jaurlaritzaren jarrera gogor kritikatu du mugimenduak, eta legigintzarako herri-ekimena atzera bota izana salatu dute. Pentsio minimoa gutxieneko soldatarekin berdintzea eta osasun zein zaintza-sistema publiko, unibertsal eta doakoak bermatzeko deia egin dute.
Giro aparta Bilbon, lehiaketa gastronomikoan, bilbainadekin, eta publiko guztientzako hamarnaka jardueratan
Musika, antzerki eta dantza ikuskizunak tradizio jarduerekin uztartuko dira astelehen honetan, hala nola lehiaketa gastronomikoarekin, zezensuzkoarekin eta su artifizialekin. Gaur Athleticeko jokalarien harrera izango da eta Pentsiodunen Mugimenduak mobilizazioa egingo du.
Gernikako gaztetxeko kideek Udalak bertan egin nahi duen liburutegiko obrak atzeratzeko eskatu dute, alternatiba seguru bat izan arte
Duela urtebete baino gehiago okupatu zuten Gazte Asanbladako kideek “hamar urte baino gehiagoz hutsik” egon den eraikina.
Gizon batek sexu-erasoa egin dio emakume bati Iruñean, eta erasoa eragozten saiatu den pertsona bat jo du
Gainera, beste gizon bat atxilotu dute Nafarroako hiriburuan, bikotekide ohia kalean jo omen duelako.
Osasun Ministerioak eta erkidegoek Ceutara 45.000 txerto bidaltzea adostu dute
Ceutak hirukoitz birikoaren 15.000 dosi eta difteria-tetanos, barizela zein polioaren aurkako 30.000 jasoko ditu, uztailaren amaieran iritsitako adingabe migratzaileei txertoa jartzeko.