Alerta laranja ostegunera arte luzatuko da Araban eta Nafarroan beroagatik
Tenperatura altuek presente jarraituko dute hurrengo egunetan. Nafarroa eta Araba alerta laranjan egongo dira asteazkenean eta ostegunean, eta Euskadi abisu horian egongo da beroagatik.
Segurtasun Sailak astearterako bi abisu hori jarri ditu Araban; bat, Ebro ondoko eskualdean eta lurraldeko erdialdean, muturreko tenperatura altuengatik. Tenperatura maximoak 37 ºC ingurukoak izan daitezke Ebro ondoko eskualdean eta 36 ºC ingurukoak, iragate-zonan. Beste abisu horiak bi eskualde horiei ere eragiten die, kasu honetan, baso sute arriskuagatik.
Nafarroari dagokionez, AEMETen arabera, erdialdean abisu horia egongo da, eta Erriberan, alerta laranja.
Asteazkenean, arrisku handian egongo dira Ebro inguruko eskualdea eta Arabako erdialdea; leku horietan, alerta laranja ezarri dute 13:00tatik 12:00etara. Tenperatura maximoak 39 ºC ingurukoak izan daitezke Ebro ondoko eskualdean, eta 37 ºC ingurukoak, iragate-zonan.
Halaber, EAEko lurraldean, abisu horia egongo da tenperatura altu iraunkorrengatik egun osoan zehar. Gipuzkoako eta Bizkaiko barnealdean, gainera, abisu horia ezarri dute muturreko tenperatura altuengatik 13:00etatik 19:00etara.
Baso-sute arriskuari dagokionez, abisu horia egongo da Ebro ondoko eskualdean eta Arabako erdialdean 13:00etatik 19:00etara.
Nafarroari dagokionez, erdialdea eta Erribera alerta laranjan egongo dira tenperatura altuen ondorioz.
Ostegunean, egoerak hoberantz egingo du Araban, eta alerta laranja Ebro ondoko eskualdean baino ez da mantenduko. Hala ere, erdialdean abisu horia ezarri dute 14:00etatik 20:00etara muturreko tenperatura altuak direla eta. Suteen arriskuak bere horretan jarraituko du Ebro inguruan eta erdialdean.
Euskadiko beste lekuetan, abisu horia egongo da egun osoan zehar tenperatura altu iraunkorrengatik. Nafarroako erdialdean, tenperaturak jaistea espero da, eta alerta laranjatik abisu horira pasatuko da. Erriberan, alerta laranjak jarraituko du.
Zure interesekoa izan daiteke
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.