Nafarroak lurralde osora zabaldu du suak egiteko debekua
Tenperatura altuen itzulerarekin, muturreko beroaren alertak ezarri dituzte Hego Euskal Herriko hainbat tokitan. Alde batetik, Nafarroak debekatu egin du Foru Komunitate osoan landa eremuan aisialdirako suak egitea, barbakoak kasu, baita nekazaritza-makinen erabilera mugatu ere. Bitartean, Euskal Autonomia Erkidegoan, Araban zehazkiago, Ramiro Gonzalez bertako ahaldun nagusiak "zuhurtziaz" jokatzeko deia egin die pertsona guztiei, lurralde horretako hegoaldean suteak sortzeko arriskua handia baita.
Izan ere, atzo, astelehena, bost sute izan ziren Mendozan, Garaion, Argoten, Toberan eta Kripanen, eta, beroak zenbait egunetan jarraituko duela aurreikusita, Araban sute gehiago izateko arriskua handia da. Hori dela eta, Arabako ahaldun nagusiak berriro esan du "zuhurtasunik handienaz jokatzeko" deia egiten diela mendian eta zelaian mugi daitezkeen pertsona guztiei, "gaur egungo egoeretan suteak piztea erraza delako".
Uzta biltzeko makinen erabilera debekatuko ote den galdetuta, Nafarroako Foru Erkidegoak egin duen bezala, Gonzalezek azaldu du ez dagoela debekatuta horiek erabiltzea, eta gai "zaila" dela gaineratu du, "nekazari askorentzat uzta eta haien bizimodua baitago jokoan".
Bestalde, Nafarroako Gobernuak gogora ekarri ditu muturreko bero-egunetan nekazaritza- eta baso-lanetarako makinen erabileraren murrizketak. Hala, abisu horia aktibatzen bada tenperatura altuengatik, debekua 14:00etatik 18:00etara izango da; alerta laranja edo gorria bada, berriz, debekua egun osora zabalduko da.
Ildo horretan, astearte honetan alerta laranja da Ebroko Erriberan eta abisu horia Nafarroako Erdialdean; biharko, aldiz, alerta laranja izango da bi eremuetan. Araban, bestalde, abisu horia dago indarrean astearte honetan lurralde osoan, eta asteazkenean laranja izango da Arabako Errioxan; Bizkaian, ordea, abisu horian dago asteartetik Nerbioi ibaiaren arroa, eta asteazkenean barnealde osora zabalduko da.
Gainera, Nafarroan, irailaren 30era arte, oro har, debekatuta egongo da sua erabiltzea zuhaitz-, zuhaixka- edo sastrakadi-landarediak, larreak eta belardiak estalitako lurretan; uztondoak, basoko hondakinak edo bestelako landare-hondakinak erretzea; errekuntzan dauden objektuak edo sute bat eragin dezakeen edozein material botatzea edo uztea, baita ibilgailuetatik zigarrokinak botatzea ere; eta aisialdirako sua egitea Nafarroako landa-ingurunean ere.
Hasiera batean, ekainaren 15etik debekatuta zegoen Nafarroako hegoaldean sua aisialdirako erabiltzea; iparraldean, berriz, baimenduta zegoen barbakoetan eta horretarako prestatutako beste leku batzuetan. Hala ere, Baso Suteetarako Aholku Batzorde Teknikoak neurria Foru Erkidego osora zabaltzea erabaki du astearte honetan.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.