Suteengatik eta beroagatik ezarritako alarmak eta debekuak EAEn: non eta noiz
Beroaldia eta suteak elkar hartuta iritsi ohi dira, eta oraingoan ere, hala izan da. Bero sapa betean murgilduta dago Euskal Herria azken egunotan, eta muturreko tenperaturak iragarri ditu Euskalmetek datozen egunotarako. Horrek guztiak sute arriskua areagotu du, eta Eusko Jaurlaritzak larrialdi-fasea ezarri du Euskal Autonomia Erkidego osoan. Alde batetik, suteengatik alertak eta debekuak/murrizketak ezarri dira, eta besteetik, tenperaturengatik alertak eta abisuak. Ondorengo irudietan, gaur biharretarako ezarritako neurriak:
Alerta mailaren arabera ezarriko diren murrizketak eta debekuak:
Non eta noiz daude ezarrita debeku horiek? Lau eremu bereizi ditu Segurtasun Sailak, eta gaur, ostirala, alerta laranja iragaitze-eremu delakoan dago ezarrita. Ebro ondoko eskualdean, berriz, alarma gorria.
Aipatutako murrizketak eta debekuak 13:00etatik 21:00etara egongo dira indarrean iragaitze-eremuan.
Ebro ondoko eskualdean, berriz, alerta gorria ezarri dute, eta toki horretan 24 orduz egongo dira indarrean debeku guztiak.
mapa
Tenperatuei erreparatuz gero, alarma gorria ezarri du Segurtasun Sailak biharko eta etzirako, Arabako Errioxan eta erdialdean (Gasteiz tartean). Euskalmetek egindako iragarpenaren arabera, bi eremuotan termometroak 41-40 º C-ra igoko dira.
alerta
Neurriok gaur sartuko dira indarrean, eta debekuen egoera eta ordutegia egunero eguneratuko ditu Eusko Jaurlaritzak, EAEko eremu bakoitzerako. Igande iluntzerako eta astelehenerako espero da egoera arriskutsuena, beroari hego-haizea batuko baitzaio.
Zure interesekoa izan daiteke
Baiona eta Frantziako Tolosa lotzen dituen A-64 autobidea partzialki ireki dute
Biarnoko zatia da zabaldu dutena. Hala ere, laborariek oraindik blokeatuta daukate Ipar Euskal Herriko zatia dermatosi nodularraren neurriak salatzeko protesta gisa.
Fitnessaren arrakasta: gimnasioak zabalik, baita Eguberri egunean ere
Hutsik egin gabe, egunero kirola egiteko ohitura daukatenek ez dute barkatzen, ezta Eguberri egunean ere. Hori dela eta, gero eta gimnasio gehiagok zabaltzen dituzte ateak horrelako egun berezietan. Ariketa saio bat eginda, lasaiago eta gose handiagoz jartzen omen da bat mahaian.
Donostiako Kontxapuzoia 200 parte-hartzailerekin itzuli da, bularreko minbizia duten emakumeei laguntzeko
Kontxako hondartzan izan da espero zen Kontxapuzoia: 200 ausart uretara oldartu dira hotzari aurre egiteko eta Katxalin elkartearen mesedetan dirua biltzeko. Marmoken presentzia dela-eta iazko etenaldiaren ondoren, CD Fortunak antolatutako elkartasun ekitaldiak komunitatea bildu du Eguberrietako ohiko hitzordu honetan, babes eta elkartasun erakustaldi batean.
Donostian atxilotu dute, 17 ibilgailutan kalteak eragiteagatik
Ertzaintzak 30 urteko gizon bat atxilotu du bart, aparkatuta zeuden 17 ibilgailutan kalteak eragiteagatik, Eusko Jaurlaritzako Segurtasun Sailak jakitera eman duenez.
Gizon bat atxilotu dute Azkoitian, emakume bati sexu-erasoa egiten saiatzeagatik
Erasotzaileak bizikleta batean ihes egin du, eta handik gutxira bi lekukok geldiarazi dute, atzetik jarraitu diotelako ibilgailuekin. Gertatutakoa salatzeko, Itaiak elkarretaratzea egin du gaur, "Eraso matxistei aurre egin!" lelopean.
Olentzero eta Mari Domingiren magia Euskal Herriko etxeetara iritsi da
Ilusioa, urduritasuna eta irribarreak errepikatzen dira abenduaren 25ean Euskal Herriko etxeetan. Haurrek Olentzerok eta Mari Domingik gauean utzitako opariak ezagutu dituzte, emozioz beteriko goiz batean.
Bi gizonezko atxilotu dituzte Bilbon, jatetxe batean eta ileapandegi batean lapurtzen saiatzeagatik
Bi atxilotuek aurrekari polizialak dituzte horrelako gertakariengatik, eta ertzain-etxean daude epailearen esku utzi arte.
Arrain freskorik gabeko bost egun izango ditu Bizkaiak Gabonetan
Jaiegunen konbinazioak eta Mercabilbaoren urteko itxierak hornidurarik gabe utziko ditu arrandegiak abenduaren 26tik 30era bitartean.
Azken erosketak Gabonak baino lehen: saltzaileen eguna
Gaur Gabon gaua da, eta dendek unerik frenetikoena bizi dute. Presak, urduritasunak eta azken orduko eskaerek markatzen dute jardunaldia, saltzaileek bezero guztiei arreta emateko malabareak egiten dituzten bitartean. Gabonetako kanpainako egunik gogorrenean, mostradoreen beste aldera begiratu bat eman diogu.
Euskal Herriko hiri eta herrietan ibili dira Olentzero eta Mari Domingi, Eguberria iragarriz
Urteko gaurik magikoenetako bat da Gabon Gaua, neguko solstizioa eta argi berria ospatzeko unea. Eta Olentzero eta Mari Domingi gure herri eta hirietara jaisten dira une hauek guztiokin igarotzeko. Gauean opariak banatu aurretik herri eta hirietako kaleetan ikusi ahal izan ditugu.