Baso suteak izateko arriskua handia da oraindik EAEn eta Nafarroan
Iragarrita zegoen bezala, behera egin dute tenperaturek Kantauri isurialdean, eta horrek nolabaiteko atsedena eman badu ere, baso suteak pizteko arriskuak handia edo oso handia izaten jarraitzen du Euskal Autonomia Erkidegoan (EAE) eta Nafarroan.
Arrisku hori "muturrekoa" da Foru Erkidegoan, eta, ondorioz, alarma gorria egongo da indarrean datozen orduetan, beroa eta hezetasun maila baxua tarteko. Bestalde, ia Araba osoan (Ebro ondoko eskualdean eta erdialdean), baso suteengatiko arriskua "oso handia" da (alerta laranja), eta, Bizkaiko eta Gipuzkoako barnealdean, "arrisku handia".
Euskalmet Euskal Meteorologia Agentziaren iragarpenaren arabera, tenperatura atseginak izango dira gaur ia Euskal Herri osoan. Beroenak 25 ºC ingurukoak izango dira kostaldean, eta 30 ºC ingurukoak, barnealdean. Lurraldearen hegoaldean (Arabako Errioxa eta Nafarroa), are gorago kokatuko dira termometroak, 35 eta 40 ºC bitartean.
Eguzkia izango da jaun eta jabe hegoaldean, eta Kantauri isurialdean goizean oskarbi egongo bada ere, egunak aurrera egin ahala, estaltzen joango dira zeruak eta euri langarra egin dezake, baita ekaitzen bat ere Pirinioetan.
Nolanahi ere, Nafarroa hegoaldean 40 ºC-ak harrapa daitezkeela eta, Aemetek beroagatik alerta laranja aktibatu du Erriberan, eta abisu horiak, Nafarroa erdialdean eta Pirinioetan. Termometroak 40 graduen langara iritsiko dira Tuteran; 38 ºC-ren bueltan ibiliko dira Iruñean eta 37 ºC-etatik gertu, Pirinioetako ekialdean.
Bihar, asteazkenarekin, apur bat jaitsiko dira maximoak, eta ez da abisurik izango. Dena dela, gutxi iraungo du tregoak: ostegunerako beroagatik abisu horia ezarriko du Aemetek Nafarroako erdialdean eta Erriberan (38 ºC espero dituzte egun horretarako).
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.