Pertsona bat hil da bero boladaren ondorioz EAEn
Pertsona bat hil da Euskal Autonomia Erkidegoa (EAE) astindu duen bero boladaren ondorioz, Eusko Jaurlaritzak gaur jakinarazi duenez. Jaurlaritzak txostena egin du astebete iraun duen beroaldiarekin lotuta, eta, horren arabera, 83 pertsona ospitaleratu behar izan dituzte zazpi egunotan, eta guztira, 184 larrialdi artatu behar izan dituzte bero kolpeak eta sargoriak osasunean eragindako arazoak direla eta.
Osasun zein Segurtasun sailetako datuak bilduta egin du agiria Jaurlaritzak, eta bertan bukatutzat eman du bero oldea. Euskalmet Euskal Meteorologia Agentziaren arabera, azken urteotako "bero bolada luze eta larrienetakoa" izan da hilaren 11tik 18rako hori. Tenperatura maximoek markak hautsi dituzte egunotan, eta urteko beroena, 42,9 ºC, Arrasaten (Gipuzkoa) erregistratu dute.
Txostenean ez da zehazten noiz eta nola izan zen heriotza. Horri buruz galdetu diote Jaurlaritzako bozeramaileari gobernu bileraren osteko prentsaurrekoan. Bingen Zupiriak argitu duen bakarra da Amoroton (Bizkaia) izan zela, baina ez du bestelako xehetasunik eman.
Erietxeratu behar izan dituzten 83 pertsona horiei dagokienez, gehienak (48) Bizkaian artatu zituzten; 19, Gipuzkoan; 15, Araban eta bat Miranda de Ebron (Burgos). Halaber, beste 23 lagun artatu zituzten osasun zentroetan. Asteburu honetan izan dira larrialdi gehienak, eta goia igandean jo zuten, 45 pertsona artatu behar izan baitzituzten.
42 sute, horietatik 16, larri
Tenperatura altuak eta hezetasun maila baxua tarteko, suteak izan dira bero bolada honen beste zorigaiztoko protagonista. EAEko zati bat alertapean dago baso suteak izateko arrisku handia dela eta, baina Segurtasun Sailak jakinarazi du bihartik aurrera "uztailean ohikoa den egoerara" itzuliko dela lurraldea.
Txostenaren arabera, bost eguneko epean (uztailaren 11tik 15era) 38 sute izan ziren EAEn, gehienak Araban. Suak ia 300 hektarea kiskali ditu lurralde horretan, eta udalerri kaltetuenen artean daude Barrundia, Mendoza, Mendiola edota Erriberagoitia. Horrez gain, Jaurlaritzak Baso Suteetarako Larrialdi Plan Bereziaren larrialdi-fasea ezarri zuenetik, ostiraletik, beste lau sute izan dira (Gaubea, Gasteiz, Arrigorriaga eta Bilbo) eta 15 hektarea erre.
Bero boladak iraun duen zazpi egun horietan, Larrialdiei aurre egiteko eta Meteorologia Zuzendaritzak 20 abisu hori, 14 alerta laranja eta bost alarma gorri ezarri ditu beroarekin lotutako muturreko meteorologiagatik.
Azkenik, Bingen Zupiria Eusko Jaurlaritzako bozeramaileak eskerrak eman nahi izan dizkie herritarrei egunotan erakutsitako arduragatik. Lehen sektoreari ere esker oneko hitzak helarazi dizkio, zerealaren uzta betean egindako "esfortzuagatik", batetik, eta suteak geldiarazteko eta amatatzeko emandako laguntzagatik, bestetik.
Zure interesekoa izan daiteke
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako ospitalera. Atxilotuak komisaldegian jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean ustez bere bikotekideak hil zuen Basaurin, baina sortzez Berangokoa zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.