Bero-boladak 39-40 gradu arteko tenperaturak utzi ditu Euskal Herriko zenbait txokotan
Euskal Herria pairatzen ari den bero-boladak 39-40 gradu arteko tenperaturak utzi ditu ostegun honetan.
Euskalmenten arabera, 40,4 gradu neurtu dituzte Gardean (Laudio, Araba), 39,9 gradu Arrasaten (Gipuzkoa), 37,7 Zorrotzan (Bilbo), 35,7 Abetxukon (Gasteiz), 35,5 Miramonen (Donostia), 35,6 Paganosen (Guardia, Arabako Errioxa) eta 28,9 Herrera mendatean, 1.188 metrora (Araba).
Euskal Herriak uda honetan pairatu duen enegarren beroaldiaren ondorioak larunbatera arte izango ditugu, Eusko Jaurlaritzako Segurtasun Sailak eta Aemet Espainiako Meteorologia Agentziak hilaren 13ra arte luzatu baitituzte tenperatura altuengatik ezarritako abisuak, Araba ia osoari (Aiaraldea kenduta) eta Nafarroako erdialde eta Erriberari bakarrik eragingo badiete ere.
Gaurkoan, beroagatik ezarritako abisuak lurralde osoari eragingo dio, ordea. 38 ºC-ko maximoak izan daitezke EAEko barnealdean eta Nafarroako erdialde eta hegoaldean. Sute arriskuagatik ezarritako abisu horia ere badago indarrean. Ipar Euskal Herrian, bestalde, alerta laranja ezarri dute beroagatik.
EAEn, bina abisu egongo dira indarrean tenperatura altu iraunkorrengatik eta muturrekoengatik. Termometroek gora egiten jarraitzea espero da. Aurreikusi dutenez, termometroak 38 gradura hel litezke Bizkaiko eta Gipuzkoako barnealdean, eta 32ra, kostaldean.
Landarediaren lehortasunagatik, tenperatura altuengatik eta haizearen indarragatik aktibatuko dute baso sutea izateko arriskua, eta ostegun osoan zehar izango da indarrean.
Ostiralean ere beroa izango da protagonista nagusia. Arabako iragate-zona eta Ebro ondoko eskualdea (Arabako Errioxa) abisu horian izango dira tenperatura altu iraunkorragatik egun osoan zehar, eta muturreko tenperatura oso altuengatik 10:00etatik 20:00etara. Larunbatean ere egoera berean izango dira bi guneak. Eremu horiek baso sutea izateko arriskuan jarraituko dute bihar eta etzi.
Nafarroan, Aemet Espainiako Meteorologia Agentziak lau abisu hori ezarriko ditu muturreko tenperatura altuengatik. 38 ºC-ko maximoak aurreikusi dituzte lurraldearen erdialdean eta Erriberan; 36 ºC, Kantauri Isurialdean eta 34 ºC-koak, Pirinioetan. Bihar, ostirala, Erriberan, Nafarroako erdialdean eta Pirinioetan bakarrik egongo dira indarrean abisuak. Larunbatean, aldiz, Erriberan eta foru erkidegoaren erdialdean.
Beroak eta hezetasun maila baxuak eraginda, baso sute arriskua "muturrekoa" da gaur foru erkidego osoan.
Meteofrancek alerta laranja aktibatuko du beroagatik Pirinio Atlantikoen Departamentuan (Ipar Euskal Herria tartean dago).
Gau tropikala, 20 ºC-tik gorako minimoekin
Epela izan da giroa bart, eta tenperatura minimoak altuak izan dira. Euskalmet Euskal Meteorologia Agentziak bere estazioetan bildutako datuen arabera, 23,2 ºC izan dituzte Zornotzan (Bizkaia); 25,0 ºC, Higerren (Hondarribia, Gipuzkoa); eta 20,3 ºC, Paganosen (Guardia, Araba).
Gainera, ekaitz guneek prezipitazioa utzi dute nonahi, baina bildutako euria ez da, inondik inora, apartekoa, ez baitira metro koadroko 10 litro bildu. Nanclares Okan (Araba) batu dute gehien, ia 9 litro, eta Zegaman (Gipuzkoa), 7.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.