Bikoiztu egin da sexu askatasunaren aurkako delituengatik arreta behar izan duten emakume kopurua
37 emakumek behar izan dute arreta SATEVI Emakumeen aurkako Indarkeriaren Biktimentzako Telefono zerbitzuan, aurtengo lehen seihilekoan, horrela, iaz 016ra edo 900 840 111 telefonora arreta eske deitu zuten emakume kopurua ia bikoiztu da.
Hala dago jasota gaur Agintzari Gizarte Ekimeneko Kooperatibak landu duen txostenean. Agintzari Jaurlaritzako Berdintasun, Justizia eta Gizarte Politika Sailaren erakundea da.
Kontsulta guztiak sexu askatasunaren aurkako delituengatik egin dira, bai bikotekideen arteko harremanetatik kanpo, baita bikotekide ohien artekoetatik ere. Besteak beste, sexu jazarpena, sexu erasoa, sexu abusua, prostituzioa, exhibizionismoa eta adingabeen sexu-esplotazioa delituak daude tartean.
Horrela, txostenaren arabera, delitu horiekin lotutako dei kopuruak goranzko joeran jarraitzen du, hain zuzen, iazko lehen hiruhilekoan 7 emakumeri eman zieten arreta zerbitzuan, 13ri iazko bigarren hiruhilekoan, 15i aurtengo lehenengoan eta 22ri bigarrenean.
Kasu gehienetan, emakumeak aurretik ezagutzen zuen erasotzailea, izan ere, gelakideak, lankideak, lagunak, lantokiko nagusiak edo profesionalak (ginekologoak etab) izan dira erasoon egileak. Kasuren batean ere erasotzailea ezezaguna izan da.
SATEVIk txostenean dioenez, "une honetan ziztadez eragindako sumisio kimikoaren kasuek gora egin dute nabarmen. Izaera matxista argia duten kasu hauek beldurra eragin eta emakumeei sexu-izuaren politikaren bidez jasan lezaketen eraso eta arriskuen erantzule egiteko helburua dute (Kontzeptua Nerea Barjolak erabili zuen lehen aldiz 'Boterearen Mikrofisika sexista' lanean), emakumeak etengabeko alerta egoeran egotera behartuta".
Hori dela eta, sentsibilizazio kanpainekin jarraitzearen alde egin du SATEVIk, kontzientzia soziala bultzatu eta "sexu-indarkeriaren tabua hausteko. Askotan ez dago begi-bistan, eta oso normalizatua eta mitoez inguratuta egoten da, bai bikotearen barruan, baita kanpoan ere".
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.