Egunak pasa ahala agertzen joango den eguzki lotsati batekin hasiko da astea
Astelehenean igandeko hodeitza hegoalderaino zabalduko da eta egun hodeitsua izango da. Astearterako, halere, egun eguzkitsua espero da. Asteko hurrengo egunetan euria egin dezake lurraldeko zenbait puntutan.
Euskalmeten arabera, astelehenean Kantauri isurialdean ia egun osoa izango da hodeitsua, baina egunaren lehen partean hodeitza trinkoagoa izango da, eta zaparrada batzuk ditzake han-hemenka. Hegoaldea aurrerako egunetan baino lainotuago egongo da, batez ere goizean. Haizeak ipar-mendebaldetik edo iparraldetik joko du, eta tenperatura apur bat gehiago jaitsiko da.
Tenperatura maximoak 26 gradukoak izango dira Iruñean eta 24 gradukoak Bilbon eta Gasteizen. Donostia izango da hiribururik hotzena; maximoak 23 gradura helduko dira.
Minimoei dagokienez, Gasteizek izango ditu tenperatura minimo hotzenak, 15 gradurekin, eta Bilbok beroenak, 19 gradurekin. Iruñean minimoak 17 gradutara jaitsiko dira, eta Donostian 18 gradutara.
Asteartean goizean goiz behe-hodeien tarte hodeitsuak izango dira, eta barnealdean lanbroa eta behe-lainoa sortuko dira, Euskal Metereologia Agentziaren arabera. Orduak pasa heinean garbitzera egingo du eta arratsaldeko lehen orduetarako ia oskarbi egongo da.
Arratsalde-gauean baliteke bero-hodei batzuk garatzea. Tenperatura nabarmen igoko da; barnealdean berriro ere 30 ºC-ak gaindituko dira eta kostaldetik hurbil ere 26-28 ºC ingurukoak izango dira maximoak. Ekialdeko haizea ibiliko da eta arratsaldean ipar-ekialdekoa nagusituko da.
Hegoaldean tenperatura maximoak 30 gradutik gorakoak izango dira; 35 gradukoak Iruñean eta 33 gradukoak Gasteizen. Bilbon eta Donostian 29 eta 28 gradukoak izango dira, hurrenez hurren.
Minimoei erreparatuz, Gasteizek berriro ere izango ditu minimorik baxuenak. Bertan termometroak 13 gradura jaitsiko dira, 17 gradura Iruñean, 19 gradura Bilbon eta 18 gradura Donostian.
Asteko hurrengo egunak nahiko ezegonkorrak izango dira. Asteazkenean beroa egingo du, baina ekaitza egon daiteke hainbat puntutan. Ostegunean tenperaturek behera egingo dute, eta euria egin dezake. Prezipitazio horiek ostiralean ere espero daitezke, baina tenperaturek gora egingo dute.
Uneoro, eguraldiari buruzko informazio gaurkotua kontsulta dezakezu eitb.eus-en, edo zure argazkiak bidali.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.