Babestuko dituen itun baten zain jarraitu beharko dute ozeanoek
Ozeanoek babestuko dituen itun baten zain jarraitu beharko dute, ostiral honetan NBEren bi asteko bilerak akordiorik gabe amaitu ondoren, baina laster lortuko dutelako itxaropenarekin.
New Yorken gau betea zela, negoziatzaileek amore eman zuten, eta erabaki zuten denbora gehiago beharko dutela 2018tik eztabaidatzen ari diren naziorteko itun hori lortzeko. Hori dela eta, bosgarren eta azken negoziaketa erronda bertan behera uztea erabaki zuten, eta oraindik zehazteko dagoen beste une batean berrartzea.
Hala iragarri zuen Rena Lee ituna hitzartzen ari den biltzarreko buruak, akordio baten bila azken orduko jarrera aldaketen saiakeran egindako zenbait bileraren ostean. Leeren arabera, "helmugatik inoiz baino gertuago gaude" gaur, baina denbora gehiago beharko da prozesua itxi ahal izateko.
Mundu osoko herrialdeak hitzartzen ari diren itun horrek eskumen nazionaletik kanpoko itsas eremuen (itsas zabala) kontserbazioa eta erabilera jasangarria bermatzea du helburu. Ozeanoen etorkizuna bermatzeko ekologistek funtsezkotzat jotzen duten tresna da, eta hamarkadak dira aldarrikapen hori bizirik dagoela, baina ez dio atzerapenak pilatzeari utzi.
2018an abiatu ziren negoziazioak modu ofizialean, eta 2020rako itun bat izatea zen helburua, baina plan horiek bertan behera gelditu ziren covid-19ak eragindako pandemia bitarteko, eta prozesu osoa atzeratu zuen horrek. Orain, ituna 2022rako lortzea zuten xede, baina zaildu egin da negoziaketa erronda honen porrotaren ostean, alde batera utziko ez bada ere.
Greenpeaceren arabera, aurten itunik ez izatekotan, oso zaila izango da 2030erako ozeanoen % 30 babesteko helburua betetzea. Herrialde ugarik hartu dute jomuga hori lortzeko konpromisoa, eta zientifiko askorentzat minimo hori bete behar da itsasoko ekosistemak jasaten ari diren presioaren ostean suspertzeko.
Kutsadura, klima aldaketa eta itsaspeko meatzaritzari zein arrantza intentsiboago bati atea irekitzen dieten teknologia berriak dira, adituen arabera, itsas zabalerako mehatxu nagusiak, ozeanoen hiru laurdenetarako alegia.
Bosgarren negoziaketa erronda arrakastatsua izan ez bada ere, tartean dauden ordezkaritza nazional eta gobernuz kanpoko erakunde gehienek azken orduetan lortutako aurrerapenen garrantzia nabarmendu dute, eta baikor agertu dira.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.