Aste Nagusiaren balorazioa
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Herritarren gehiengoak Udaltzaingoa babesten duela erantzun die Esanek Bilboko konpartsei

Bilboko konpartsen federazioak salatu du udaltzainak Aste Nagusia hasi zenetik oldartu zirela "pertsona arrazializatuen eta manteroen" aurka eta eraso bat geldiarazten saiatu zen neska bat jipoitu zutela.

AGENTZIAK | EITB MEDIA

Azken eguneratzea

Aste Nagusiaren balorazioa egiterakoan, Bilboko Konpartsek atzo adierazi zuen "argiak eta itzalak" izan direla eta alde negatiboan, besteak beste, Udaltzaingoak izandako "jarrera oldarkorra" salatu zuten.

Gaur, Esan sindikatu polizialak konpartsen adierazpena gogor kritikatu du eta azpimarratu du Udaltzaingoak bilbotarren gehiengoaren babesa daukala.

"Bilboko eta Euskal Herriko herritarren gehiengoak udaltzainak babesten ditu, jaiak bakea gozatzeko tresna direlako, hain zuzen ere", adierazi du sindikatuak ohar batean.

Bilboko udaltzainei bere babesa helarazi die eta Aste Nagusian "lan bikaina" egin dutela goraipatu du.

"Ziurrenik, horri esker ere bildu dute horrenbeste diru konpartsen txosnetan", erantsi du Esanek.

 

Gizartea Bilboko Udala Bilbo Bizkaia Bilboko Aste Nagusia 2026 Euskal Autonomia Erkidegoa Eguneko Titularrak Jaiak

Zure interesekoa izan daiteke

Gehiago ikusi
Publizitatea
X