Hegazti-gripearen kasu berri bat antzeman dute Bizkaian jasotako zanga batean
Eusko Jaurlaritzako Ingurumen Sailak Patogenotasun Handiko Hegazti Influenza H5N1 kasu bat antzeman du, hegazti-gripea alegia, Bizkaiko Foru Aldundiko basozainen zerbitzuak Muskizko Arena hondartzan jasotako zanga zauritu batean.
Erakundeak Irekia atarian argitaratutako informazioaren arabera, Gorlizko Fauna Basatia Sendatzeko Zentrora eraman zuten zanga, eta gaixotasun posibleak hautemateko laginak hartu zizkioten bertan, hegazti Influenzan positibo eman zuelarik.
Hegaztia isolatu zuten orduan, eta hilik agertu zen hortik hiru egunera. Hegaztiaren birus kasua berretsi ostean, Eusko Jaurlaritzak horren berri eman dio hegazti sektoreari, eskortako hegaztiak basatiekin nahastea saihestu dezaten, kutsaketak ekiditeko.
Ingurumen Sailak gogora ekarri duenez, hegaztiei eragiten die nagusiki birusak, eta ez du inolako arriskurik suposatzen hegazti jatorriko elikagaiak kontsumitu dituzten pertsonentzat.
Euskadin ez zuten gaixotasun honen fokurik antzeman 2006tik iragan maiatzera arte. Bi kasu positibo baietsi zituzten orduan Gipuzkoan agertutako bi saietan, Matxinbentan eta Aiako Harrian, hurrenez hurren.
Uztaileko azken astean ere, Donostia inguruan gaixorik aurkitutako zanga batek positibo eman zuen hegazti-gripean; hortaz, kasu berri honekin lau lirateke Euskadin aurten antzemandako fokuak, eta lehenengoa Bizkaian.
Azken urteotako hegazti-gripe epidemia larrienetako bat bizitzen ari da Europa azkenaldian, 36 herrialdetan 5.530 kasu antzeman dituztelarik guztira.
Zure interesekoa izan daiteke
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.