Indarkeria matxista
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Astelehenean Irunen sexu erasoa egitea egotzita atxilotutako 28 urteko gaztea espetxeratu dute

Biktimak salaketa jarri zuen astelehenean herriko ertzain etxean bikotekide ohiaren aurka, sexu erasoa, bizilekua bortxatzea eta babes agindua urratzea egotzita.

Agentziak | EITB Media

Azken eguneratzea

Ertzaintzak gizon bat atxilotu zuen astelehenean Irunen (Gipuzkoa) emakume bati sexu erasoa egitea egotzita, eta gaur espetxeratu dute, epailearen aginduz, Eusko Jaurlaritzako Segurtasun Sailak jakitera eman duenez.

Iturri horren arabera, biktimak salaketa jarri zuen astelehenean herriko ertzain etxean bikotekide ohiaren aurka, sexu erasoa, bizilekua bortxatzea eta bere alde zuen babes agindua urratzea egotzita.

Ertzaintzak egun horretan bertan atxilotu zuen erasoaren ustezko egilea, 28 urteko gizon bat. Gaur utzi dute epailearen esku, eta hark espetxeratzeko agindua eman du.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Gizartea Ertzaintza Indarkeria matxista Gipuzkoa Delituak Indarkeria matxistaren biktimak Irun Eguneko Titularrak

Zure interesekoa izan daiteke

Gehiago ikusi
Publizitatea
X