"Bai bakarrik da bai" legea ezartzeko orduan, "kasuz kasu" aztertzeko deia egin du Gorenak
Arandina auziari buruz hartutako erabakiarekin, Auzitegi Gorenak erabaki du epaitegiek zigorra murriztu ahal izango dietela sexu-delituengatik zigortutakoei, "Bai bakarrik da bai" legea indarrean sartu delako, baina zehaztu du "kasuz kasu" egin beharko dela, "ez modu orokorrean".
Legelari askok uste zuten Gorenak guztientzako doktrina komun bat ezarriko zuela, baina gaur helarazitako oharrean ez du zalantzarako tarterik utzi: lege berria kondenatuaren "onurarako aplikatu ahal izango da", "orain zigor txikiagoa ezartzen denean bidezkoa den kasuetan", baina kasuz kasu aztertuta.
Izan ere, Sexu Askatasunaren Berme Integralari buruzko Lege Organikoak, "Bai bakarrik da bai" izenekoak, bi delitu batu ditu batean. Arau berriarekin, sexu-abusuaren delitua desagertu egiten da, eta sexu-erasoaren delituaren barruan sartzen da. Hala, orain arte jokabide larri gisa jotzen zena delitu txikiagoko bihur daiteke. Testuinguru horretan, zigor-arloko tartea zabaldu egin da, orain sexu-eraso gisa zigortuta dauden jokabideen aukera osoa barne hartzeko.
Gorenak erabakia hartu aurretik, hamabost bat probintzia-auzitegik gauza bera egin zuten; horietako 10 kondenatuei irizpiderik mesedegarriena aplikatzearen alde agertu ziren, zigorrak murriztuz.
Erabaki horien aurrean, gutxienez hiru auzitegik, tartean Nafarroakoak eta Errioxakoak, zigorrak ez murriztea erabaki zuten, baldin eta ezarritako zigorrak lege berriarekin ezarri ahal badira.
Europa Press albiste-agentziak aipatutako iturri juridikoen arabera, 39 dira esparru berriaren onuradun izan diren kondenatuak, eta, datu horien arabera, 10 pertsona atera dira espetxetik.
Zure interesekoa izan daiteke
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
56 urteko emakume baten bila ari dira Gasteizen
Emakumeak % 80ko desgaitasuna du, 1,35 metro luze da, azal argia du eta betaurrekoak daramatza. Andaluzia kalean ikusi dute azkenekoz larunbat honetan.
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira. 44 urteko emakume bat atxilotu dute ustez sutea eragin duelakoan.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbollahrekin zerikusia dutelakoan Bizkaian atxilotutako bi lagunak
Pasaportea kendu diete eta 15 egunean behin epaitegian agertu beharko dute. Bi gazteak "inperialismo genozida salatzearen aurkako kanpaina bat" salatu duen Iranekin bat plataformako kideak dira.
Emakume bat hil da Tuteran izandako auto istripu batean
Ezbeharra NA-134 errepidean gertatu da, ostiral arratsaldean. Emakumeak zeraman autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.