Kontrabandoko tabakoa ekoizteko eta banatzeko Europako sare handiena desegin dute Hego Euskal Herrian
Kontrabandoko tabakoa egiteko eta banatzeko Europako sare handiena desegin dute Hego Euskal Herrian, Zerga Administrazioko Estatu Agentziak eta Guardia Zibilak elkarrekin egindako operazio batean. Gaizkile taldea Euskal Autonomia Erkidegoko (EAE) eta Nafarroako hainbat industria nabetan aritzen zen, eta bertan kontrabandoko material ugari topatu dute. Zehazki, 4,5 milioi tabako pakete eta 31 tona tabakorri eta tabako xehe atzeman dituzte.
Guztira, 16 pertsona atxilotu dituzte sarearekin zerikusia dutelakoan, eta zazpi delitu egotzi dizkiete: kontrabando delitua, gaizkile taldeko kide izatea, pertsonen salerosketa egitea, eta langileen eskubideen, industria jabetzaren, ogasunaren eta osasun publikoaren kontrako delituak. 10 atxiloketa Aldatzen (Larraun, Nafarroa) egin dituzte, bi Iruñean, eta beste bi, Urnietan. Gainerako biak Europar Batasuneko beste herrialde batean atxilotu dituzte.
Ikertzaileek jarduera susmagarriak antzeman zituzten Iruñerriko eta Aralar eskualdeko hainbat nekazaritza eta ganadu ustiategitan, eta orduan abiatu zuten "Baserria/Trampantojo" izena jarri dioten operazioa.
Agenteek deskubritu dutenez, Aldatz herrian (Larraun, Nafarroa) tabakoa ekoizteko lantegi bat zuen sareak. Egunero, milioi bat zigarro eta hilean hiru milioi tabako pakete egiteko gai ziren bertan. Horrez gain, biltegiak topatu dituzte Urnietan eta Adunan (Gipuzkoa), eta Elortzen eta Atarrabian (Nafarroa).
Ikertzaileen arabera, 80 milioi euroko irabaziak lortu ditu sareak martxan egon den tartean.
Sareko buruzagi eta kideez gain, kamioilari bat ere atxilotu du Guardia Zibilak. 7,2 tona tabako, 300.000 tabako pakete inguru, zeramatzan ibilgailuan, saltzeko prest.
Horrez gain, Nafarroan miatutako nabeetako batean, zazpi langile topatu dituzte. Egunero 10-12 orduko lanaldiak egitera behartzen zituzten, eta ez zieten lantegitik ateratzen uzten. Izan ere, gunea guztiz itxita zuten, bunkerra bailitzan, eta zegoen irteera bakarra giltzarrapo batekin zarratuta zeukaten.
Legez kanpoko lantegia ezkutatzeko lasto fardelak erabili zituzten.
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.