Hiru pertsona atxilotu dituzte Eguberri egunean Indautxun labanaz egindako erasoan zerikusia dutelakoan
Ertzaintzak 19, 21 eta 25 urteko hiru gizonezko atxilotu ditu Bilbon, Eguberri egunean Indautxu auzoan labanaz egindako erasoan zerikusia dutelakoan. Erasoan bi pertsona zauritu ziren, horietako bat larri.
Segurtasun Sailak ohar bidez jakinarazi duenez, atxiloketak atzo egin zituzten, Bizkaiko Ikerketa Kriminaleko Lurralde Zerbitzuaren (SICTB) gertatutakoa ikertu ostean.
Atxilotutako hiru lagunetatik bik aurrekariak dituzte iazko uztailean antzeko ezaugarrietako beste istilu batean nahasita egoteagatik. Goizean jarri dituzte epailearen esku. Giza hilketa saiakeraren delitua eta lesio-delitua egotzi diete hirurei.
Abenduaren 25ean, 08:33an, gertatu zen istilua, Bilboko Elkano eta Colon de Larreategi kaleek bat egiten duten lekuan. Hiru gizonezkok eraso egin zieten arma zuriz beste bi pertsonari, zauriak eraginez. Bata Gurutzetako Ospitalera eraman zuten, eta bestea eta Basurtura.
Biktimetako batek labanaz batekin egindako bi zauri zituen klabikulan eta sabelaldean. Larrien zauritutako gazteak, berriz, zauri bana zuen birikan eta sabelean. Azken horri astelehenean eman zioten senda-agiria.
Albiste gehiago gizartea
Astelehen honetan hasiko da Kabiecesen 400 haur baino gehiago txertatu gabe utzi zituen erizainaren aurkako epaiketa
Kaltetutako familiek 12 urteko kartzela-zigorra eskatzen dute akusatuarentzat, eta Fiskaltzak 7 urte eta erdikoa.
Uda honetan sexu-erasoen kopuruak behera egin duela baieztatu du Emakundek
Miren Elgarresta Emakunderen zuzendariaren arabera, "objektiboki hitz eginez gero, datu onak dira, baina asko dago oraindik egiteko". Horren harira, "ildo beretik jarraitzeko deia" egin du, "prebentzioan eta sentsibilizazioan" arreta jarriz. (RADIO EUSKADIN EGINDAKO ADIERAZPENAK, GAZTELERAZ)
Gizon baten gorpua aurkitu dute Vallecasen, leherketa izan zen eraikineko hondakinen artean
Eraikinaren sotoan zegoen 52 urteko gizon bat da, eta senitartekoek desagerpenaren berri eman ostean aurkitu dute.
Espainiako Vuelta aldarrikatzaileena arratsaldean iritsiko da helmugara, aurrekaririk gabeko segurtasun dispositibo batekin
Madrilen bukatuko da gaurko etapa, eta manifestazio ugari deitu dituztela ikusita, dispositibo berezi bat antolatu dute. Protesta horietara Palestinako banderak eramateko deia egin dute antolatzaileek.
Manifestazioak Sestaon eta Baionan, Israel zuritzearen eta Gazako genozidioaren kontra
300 pertsona inguru izan dira Bizkaiko udalerriko protestan; Lapurdiko hiriburukoak, aldiz, 200 pertsona inguru bildu ditu.
Gatza biltegiratzeko jaia ospatu dute Gesaltza Añanan, "urre zuri" honen bilketa irudikatuz
Gatzagak elkarteak 2008an berreskuratu zuen jai hau, eta oso egun berezia bihurtu da ordutik gatz egile guztientzat. Aurten, gainera, omenaldia egin diete Gatz Harana bizirik mantendu zuten emakume guztiei.
Gutxienez 25 zauritu, horietako hiru larri, Madrilgo Vallecas auzoko taberna batean izandako leherketan
Gutxienez 25 pertsona zauritu dira, horietako hiru larri, Madrilgo Puente de Vallecas barrutiko Manuel Maroto kaleko 'Mis Tesoros' tabernan izandako leherketa baten ondorioz. Leherketa horrek eraikinaren goiko aldean zeuden etxebizitzei ere eragin die. Madrilgo Udaleko suhiltzaileen bozeramaile baten arabera, "gas kontzentrazio" batek eragin du leherketa.
Txokolatea, erosketa saskian gehien garestitu den produktuetako bat
Horren aurrean, txokolategileek bi aukera dituzte: prezioak igo edo kalitatea txikitu. Boli Kosta eta Ghana dira kakao ekoizlerik handienak, mundu osoan kontsumitzen den kakaoaren % 60 inguru ekoizten baitute han.
Espainiako Vueltako txirrindulariei bidea itxi diete, errepidean eserialdia eginez
Israelen aurkako eta Palestinaren aldeko protestan, 100 manifestarik Vueltako ibilgailuen karabana geldiarazi dute helmugatik 18 kilometrora. Ziklistek, baina, errepidearen hegaletatik egin dute bidea, manifestariak erdian utzita.
Gizon bat atxilotu dute Tuteran, bikotekide ohia jotzeagatik
Autoz ihes egin, eta istripua eragin zuen AP-68an.