Ertzaintzak arretaz gidatzea eskatzen du izotzagatik eta elurragatik hainbat mendatetan

EAEko mendate guztiak daude irekita uneotan, baina arretaz gidatzea gomendatu du Eusko Jaurlaritzaren Trafiko Zuzendaritzak, 30 mendatetan elurra edo izotza dagoelako.

Hain zuzen ere, gaurko 10:30eko balantzearen arabera, arduraz gidatzea gomendatzen dute, Arabari dagokionez, Altuben, Aiurdinen, Azazetan, Barrerillan, Bernedon, Gasteizko Mendatean, Gatzagan, Herreran, Kurtzetan, Opakuan, Urduñan eta Zaldiaranen.

Bizkaian, berriz, Barazarren, Diman, Kanpazarren eta Urkiolan ibili behar da tentuz; eta Andatzarraten, Arantzazun, Aritxulegin, Arraten, Artikutzan, Elosuan, Karabietan, Mandubian, Meagan, Urratin eta Urton, Gipuzkoan.