Hiru emakumetik batek eta bi gizonetik batek izango dute minbizia bizitzan zehar
Minbiziaren Aurkako Espainiako Elkarteak antolatuta hainbat ekitaldi egin dira gaur herri eta hiri askotan, minbiziaren kontrako munduko egunaren harira. Gizarte osoa minbiziaren kontrako borrokan engaiatzea helburu duen #TodosContraElCáncer kanpainaren baitan egin dira ekitaldiok, bizi-ohitura osasungarriak sustatu eta 2030erako minbizia gainditzen dutenen kopurua % 70era iristeko helburua lortzen laguntzeko.
Iruñean ehundik gora haurrek elkartearen sinbolo den begizta berde bat osatu dute, eta elkartearekin eskuz esku lan egitearen garrantzia aldarrikatu dute, 2030ean kerik gabeko lehen belaunaldia izateko.
Juan Yeregui kazetariak, pazientea eta Elkartean boluntario denak, adierazpen bat irakurri du eta bertan jendarteari eskatu dio diagnostiko goiztiarreko programetan parte hartzea, "alderdi politikoei exijitzea minbizia lehentasuna izan dadila beraientzat", minbiziaren aurkako elkarteekin lankidetzan aritzea eta gaixotasun horri buruz hitz egitea "beldurrik, haserrerik eta tristurarik gabe".
Minbiziaren Aurkako Espainiako Elkarteak azaldu duenez, minbizia munduko arazo soziosanitario garrantzitsuena da, ez alferrik, 2030ean 21,6 milioi kasu berri egongo direla kalkulatzen dute. Espainiar estatuan 2030ean 330.000 kasu berri aurreikusten dira, bestela esanda, 1,8 minutuero diagnosi berri bat.
Munduko hiru emakumetik batek eta bi gizonetik batek izango dute minbizia bizitzan zehar
"Denok bizi beharko gara minbizitik gertu", ohartarazi du, eta horregatik, herritarrak kontzientziatzearen eta gobernuak prebentzio eta ikerketa politiken sustapenean inplikatzearen garrantzia azpimarratu du Elkarteak.
Albiste gehiago gizartea
Pertsona bat hil da Zuian izandako trafiko istripuan
Auto bat errepidetik atera eta irauli egin da N-622an. Gidaria ibilgailuaren barruan harrapatuta geratu da, eta bertan hil da.
Gizon bat atxilotu dute Portugaleteko taberna batean beste bati aizkoraz erasotzeagatik
Atzo 20:00etan gertatu zen erasoa. Biktimak zauriak ditu eskuetan eta bizkarrean.
Albiste izango dira: Saretzen txostena, PSNren krisia eta Errefuxiatuen Mundu Eguna
Gaurkoan albiste izango direnen laburpena, bi hitzetan.
Oñatiko Larraña Etxeak 20 nazionalitateko 100 errefuxiatu hartzen ditu
Harrera zentroa kudeatzen duen Zehar-Errefuxiatuekin elkarteak salatu du Atzerritarrei buruzko Legearen Erregelamenduaren azken erreformak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.