"Bai bakarrik da bai" legean PSOErekin akordioa ixteko "ahalegin guztiak" egingo dituela esan du Monterok
Irene Montero Espainiako Gobernuko Berdintasun ministroak bultzatutako bi legek, Trans eta Abortuaren legeek, gaur amaituko dute euren ibilbidea Kongresuan, behin betiko onartuta. Ezustekorik ezean, PSOE eta Unidas Podemos bazkideek bat eginda bozkatuko dute. Horren aurrean, "harro" agertu da ministroa, gaurtik "Espainian gizartea hobea" izango delako. "Ospakizunerako eguna da", esan du.
Radio Euskadiko "Boulevard" saioan egindako elkarrizketan egin ditu adierazpenok Monterok, gaur goizean. Horren hitzetan, "gizarte osoak" baina bereziki "emakumeek, pertsona transexualek eta LGTBI komunitate osoak eskubide gehiago" izango dituzte gaurtik aurrera.
Alderdi Popularrak bi lege horiekiko erakutsi duen kontrako jarrerari buruz, berriz, ez da harrituta agertu, "PP beti erresistentziaren alboan" eta "eskubide feministen kontra" kokatzen delako.
Halere, Kongresura gaur eskutik helduta iritsiko badira ere, Gobernuko bi bazkideen arteko harremana aspaldian oso gaiztotuta dago "bai bakarrik da bai" legearen erreforma dela eta. Ez atzera ez aurrera daude negoziazioak, Monteroren aburuz, "PSOEk hitz egitera ere ez duelako eseri nahi". Agertokia "oso zaila" bada ere, Berdintasun ministro gisa "ahalegin guztiak" egingo dituela hitz eman du, harik eta akordioa itxi arte. PPren eta Voxen botoekin "Manadaren Zigor Kodera" itzultzea emakumeen eskubideetan atzera egitea litzatekeela gehitu du.
Zailtasunak zailtasun, itxaropentsu agertu da eta akordiorako aukerak ikusten ditu Monterok. Beste lege feminista batzuekin ere, "antzeko egoerak" bizi izan dituztela eta beti lortu dutela adostasun batera heltzea azpimarratu du. "Pentsatu ere ez dut egin nahi" oraingoan hala ez izateak izango lituzkeen ondorioetan, azaldu du. "Akordiorako nire borondatea ukaezina da. Ahal nuena baino gehiago eman dut amore", erantsi du.
Azkenik, Yolanda Diaz Espainiako Gobernuko presidenteordea prestatzen ariko litzatekeen hautagaitzari buruz galdetuta, "haren denborak errespetatzen ditut", esan du, Unidas Podemosek "azkarrago" joatea nahiko balu ere.
Bestalde, PSOEren izenean, Maria Jesus Montero Ogasun eta Funtzio Publikoaren ministroak gezurtatu du Podemosekin elkarrizketarik ez egotea. Felix Bolañosekin batera "bai bakarrik da bai" legea negoziatzen ibili da Ogasun ministroa, eta koalizio morearekin "proposamen elkartrukea" egon dela azpimarratu du.
Zure interesekoa izan daiteke
Dena prest Bilbon, Marijaia noiz iritsiko zain
Onintza Enbeita bertsolariak eta Kaixo konpartsako Ainhoa Urrejolak botako dute txupina. Orain.eus webguneak zuzenean eskainiko du Aste Nagusiaren hasiera 19:00etatik aurrera.
Mafiek Ceutako migratzaileekin trafikatzen dutela ohartarazi du Polizia Nazionalak
Angel Victor Torres Lurralde Politikako eta Memoria Demokratikoko ministroak koordinatuko du Espainiako Gobernuaren barruan Ceutako krisiak eragindako egoera.
Palestinarekin Elkartasuna elkarteak gogorarazi du Palestinako erasoek "ez dutela etenik" eta beste mobilizazio bat deitu du urrirako
Palestinarekin Elkartasuna plataformak deituta, manifestazioa egin dute ostiral honetan Bilbon, Palestinari elkartasuna adierazteko. Manifestariek salatu dutenez, su-etena hasi zenetik palestinarren aurkako sarraskia ez eteteaz gain, Israelgo Gobernuak Libanora eta Iranera zabaldu ditu erasoak. Urriaren 3an beste manifestazio bat egingo dute, Bilbon.
Lezoarrak kezkatuta daude Pasaiako portuko isuriekin eta neurriak eskatu dituzte
Azken sutearen ondorioz, leihoak ixteko deia egin diete agintariek. Horrelakoak eguneroko kontua direla salatzen dute eta elkarretaratzea egin dute udaletxe aurrean. Portuan lan egiten duten enpresek euren osasunaren kontura ateratzen dituztela etekinak diote eta agintariei neurriak hartzeko eskatu diete.
Riglosko sute handia kontrolpean dute, eta ebakuatuak etxera itzuli dira
Aragoiko Gobernuak babes zibileko gutxieneko mailara jaitsi du alerta azken ebakuatuak beren etxeetara itzuli ondoren, nahiz eta operatiboak lanean jarraitzen duen 14.500 hektareako perimetroa finkatzeko.
Sagardogileek sagar-bilketa aurreratu dute lehortearen ondorioz, eta aurtengo uzta % 30-35 txikiagoa izango dela aurreikusi dute
Uda lehorraren ondorioz, ekoizle batzuek uzta aurreratu dute, eta beste batzuek datozen egunetan ekingo diote bilketari. Kanpainaren emaitza irailean aurkeztuko dute Villabonako sagasti esperimentalean.
Aurtengo Aste Nagusia azkena izango da Juan Mari Aburtorentzat Bilboko alkate bezala
12 urtez alkate izateak ematen duen perspektibarekin, Aste Nagusiak izan duen bilakaeran herritarren parte-hartzea nabarmendu du. Oraindik bada zer hobetu eta kontuan hartzeko moduko kezkak eta erronkak. Horren harian, konpartsekin gorabeherak izan arren, gaur egun harremana errespetuzkoa dela esan du. Jaia lehertzeko egun bakarra falta denean, alkateak ere urduri eta emozio handiz bizi ditu ordu hauek.
Txosnak "gune seguruak" izango dira Aste Nagusian erasoak jasaten dituztenentzat
Bilboko Konpartsek egunero txandak antolatuko dituzte erasoa jasan duten pertsonei arreta emateko, leku seguru batera laguntzeko eta, hala eskatuz gero, beste eragile batzuekin harremanetan jartzeko.
Ertzaintzak kontrolak egingo ditu Aste Nagusian, armak eta objektu arriskutsuak dituzten pertsonak sar ez daitezen
Operatibo berezi horren barruan, bideozaintza ezarriko da eraso sexistak prebenitzeko, patinete elektrikoen erabilera kontrolatuko da eta garbiketa-dispositibo bat zabalduko da.
Herritarrak konfinatu dituzte hainbat orduz Pasaiako portuan piztutako sute baten ondorioz sortutako keagatik
Sua gaur goizean piztu da Pasaiako portuko desegite-gune batean, eta, batez ere, autoak eta bateriak erre dira. Ke-laino handiaren ondorioz, larrialdi zerbitzuek ES-Alert bat aktibatu eta konfinamendua eskatu dute, batez ere Lezoko herritarrei. Airearen kalitatea normala zela egiaztatu ondoren kendu dute abisua.