Arma zuriz egindako delituek behera egin dute 2022an Euskadin; konfiskatutako armek, baina, gora
Eusko Jaurlaritzako Segurtasun Sailaren arabera, 2022an arma zuriz egindako delitu kopuruak behera egin du Euskadin, azken bost urteetako datuekin alderatuz gero. 2023ko urtarrileko datuak, ordea, okerragoak dira, 53 delitu zenbatu baitira (2022ko urtarrilean 47 izan ziren). Nabarmentzekoak dira azaroko eta abenduko datuak, 63 eta 68 delitu zenbatu baitzituzten, hurrenez hurren.
Ertzaintzak emandako datuen arabera, arma zuriz egindako delituen % 55,6 asteburuetan izaten dira (ostiralak barne). Gehienak (% 41) 15:00etatik 24:00etara bitartean gertatzen dira, eta kopuru handiena (% 79), kalean.
Non eta noiz gertatzen dira eraso gehienak?
Azken hamabi hilabeteetako delitu motei dagokienez, % 51 indarkeriaz egindako lapurretak izan dira, % 25 lesioak eta % 18 mehatxuak. Era berean, 4 sexu-eraso eta 2 hilketa zenbatu dituzte, horien artean, Lukas Agirre 24 urteko hernaniarraren hilketa, Eguberri egunean Donostiako erdiguneko diskoteka baten kanpoaldean jipoitu zuten gaztearena.
Lurralde-banaketari dagokionez, Bizkaian zenbatu dira gertakari gehienak (423, % 63), Gipuzkoan % 26 (171) eta Araban % 11 (74).
Lurraldeka delituak
Arma zuriekin egindako delituez gain, Segurtasun Sailak emandako azken datuek baieztatu dute areagotu egin direla arma zuriak eramateagatik jarritako salaketak, 2019an baino % 19 gehiago izan baitira. 2023ko urtarrileko zenbatekoa oraindik finkatu gabe badago ere, 100 salaketa inguru izango direla nabarmendu dute Segurtasun Sailetik.
Arma zurien aferaren aurrean, Eusko Jaurlaritzak eta udalek zigorrak gogortzea erabaki dute. Besteak beste, isunen zenbatekoak handituko dira. Gainera, kasuz kasu aztertuko du 700 lagunetik beherako edukiera duten lokalei segurtasuna eskatu edo ez. Erabakia lokal bakoitzaren inguruan izan diren gorabeheren eta ezaugarrien arabera hartu da. Esaterako, Bilboko Brutal dantzalekuari segurtasun pribatua exijituko dio aurrerantzean.
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.