8.447 eskaera egin dira lehen 24 orduetan 3 urtetik beherako umeak dituzten familientzako laguntzak jasotzeko
Asteazken honetan ireki du Jaurlaritzak 3 urtetik beherako seme-alabak dituzten familientzako dirulaguntza berriak eskatzeko epea. Lehen 24 orduetan, 8.447 eskaera erregistratu dira, Nerea Melgosa Berdintasun, Justizia eta Gizarte Politiketako sailburuak azaldu duenez. Eskaera kopurua lurraldez lurralde bereizita:
- Araba: 1.355 eskaera
- Bizkaia: 4.123 eskaera
- Gipuzkoa: 2.969 eskaera
Lehen ordainketak apirilean egitea aurreikusten dute, baina atzeraeragina izango du.
Hiru urtetik beherako haurrak dituzten familia guztiek hilean 200 euroko laguntza jasotzea eska dezakete, umeak zazpi urte bete arte, eta hilean 100 euro, hirugarren eta ondorengo seme-alaba bakoitzeko.
Berdintasun sailburuak azpimarratu duenez, neurri horren bidez "euskal familiek 7.200 euro jasoko dituzte zuzenean seme-alaba bakoitzeko eta beste 4.800 euro hirugarren eta hurrengo seme-alaba bakoitzeko"; beraz, prestazioa 12.000 eurorainokoa izan daiteke. Laguntza hori "kenkari fiskalei eta beste laguntza eta ekimen batzuei gehituko zaie, hala nola haurreskolak doan izatea, gazteak emantzipatzeko laguntzak edo lana eta familia bateratzeko laguntzak".
Laguntza berri horrekin, demografiaren erronkari aurre egin nahi zaiola nabarmendu du Melgosak; izan ere, azken urteotan, Eustaten datuek erakutsi dute Euskadiko jaiotza-tasa Europako batezbestekoaren oso azpitik dagoela, eta etengabe jaisten ari dela. Gainera, prospekzio soziologikoen arabera, euskal herritarrek nahi baino seme-alaba gutxiago dituzte, arrazoi ekonomikoak direla eta.
Eskaerak egiteko epea gaur abiatu bada ere, urrira arte luzatu du Jaurlaritzak, eta, hala, Melgosak lasaitasuna eskatu die euskal herritarrei, "kobratzeko eskubidea duten familia guztiek" jasoko baitute laguntza, eta, gainera, "atzeraeragina izango du, kasu guztietan".
Bide telematikoa erabiliz egin daiteke eskaera, baita Zuzenean ordezkaritzen bidez (Bilbon, Donostian eta Gasteizen), posta bulegoetan eta udaletxeetan. Halaxe iragarri du Melgosak Familien eta Haurren Zuzendaritzako taldera egin duen bisitan. Laguntzak Zuzendaritza horrek kudeatzen ditu, eta langile gehienak Gasteizko seminarioan daude. Sailburuaren hitzetan, Saila lanean ari da jada "lehenengo ordainketak apirilean egiteko", eta 65 langile bideratu dituzte horretara.
Albiste gehiago gizartea
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.