Osakidetzak B meningokokoaren aurkako txertoa haurren txertaketa egutegian sartuko du
Eusko Jaurlaritzako Osasun Sailak adierazi duenez, aurrerantzean haurren txertaketa-egutegian B meningokokoaren aurkako txertoa sartuko du. Halaber, gripearen kontrako txertoa 6 hilabete eta 5 urte bitarteko umeei zabalduko zaie, poliomielitisaren dosi gehigarri bat gehituko da 6 urteko umeentzat, eta lehen aldiz sartu da giza papilomaren birusaren aurkako txertoa 12 urteko haurrentzat.
Eusko Jaurlaritzak adierazi du haurren babesa indartu nahi duela berrikuntza honekin. Horrela, aurrerantzean, B meningokokoaren aurkako txertoa Osasun Sailak finantzatuko du, eta, beraz, egutegiko gainerako txertoak bezala, doakoa izango da 2023ko urtarrilaren 1etik aurrera jaiotako haurrentzat. 3 dosiko jarraibidea izango du, 2, 4 eta 12 hilabete betetakoan emateko.
Bestalde, aurretik ere gripearen aurkako txertoa arriskuko haurrei ematen zitzaien, baina orain 6 hilabete eta 5 urte bitarteko haur guztiengana zabalduko da txertoa.
Beste berrikuntza bat da poliomielitisaren aurkako 3. dosi bat egongo dela aurten 6 urte betetzen dituzten haurrentzat, difteriaren, tetanosaren eta kukutxeztularen aurka ematen zen hirugarren dosiaren bertsio eraginkorrago bati gehituko zaiona. Horrela, ziztada bakar batean inokulatuko dira 4 txertoak (tetrabalentzia).
Amaitzeko, lehen aldiz, giza papilomaren birusaren aurkako txertoa 12 urteko haurrei zabalduko zaie, 2 dositan, bien artean 6 hilabeteko tartea utzita; 2023/2024 ikasturtean hasiko da, 2012an jaiotako haurrei zuzenduta. Orain arte, neskatoei bakarrik txertatzen zitzaien, umetoki-lepoko minbizia prebenitzeko.
Pertsona helduen kasuan, berrikuntza nagusia da 2023an 65 urte betetzen dituzten pertsonek zoster herpesaren aurkako txertoa hartuko dutela.
Txertaketa-egutegi berria ezarri ondoren, Osasun Sailak eta Osakidetzak ohiko prozedura hasi dute Osakidetzako profesionalei, zentro pribatuen sareari, osasun-elkargoei eta, oro har, herritarrei horren berri emateko.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.