Brebetako Zientzietako azterketa euskaraz egin ahal izango dute Seaskako ikasleek
Hainbeste urtez eskatu eta borrokatutakoak eman du, azkenik, emaitza. Izan ere, Seaskako ikasleek euskaraz egin ahal izango dute aurten Zientzietako brebet azterketa.
Hala iragarri du Vicent Bru Asanblea Nazionaleko diputatuak Twitterren. Pap Ndiaye Hezkuntza ministroaren erabakia txalotu du eta adierazi du. Azterketa euskaraz egitea "euskara hutsean eskaintzen den hezkuntzari bidezko aitorpena egitea" dela esan du.
Peio Jorajuria Seaskako presidenteak EITBri azaldu dionez, "izugarrizko garaipena da" azterketa hori euskaraz egin ahal izatea. "Parean murru bat genuen eta murru horretan arraildura bat ireki dugu. lehen urrats bat eman dugu". Halere, salatu du sareetatik izan dutela erabakiaren berri, eta, beste behin, "albiste biziki ona izanik ere", eurekin kontaktuak jarri gabe eta eurekin hitz egin gabe hartu dela erabakia.
Duela 30 urte inguru martxan jarri zenetik, euskaraz egin ahal zen brebeta osoki. Derrigorrezko Hezkuntza amaitzean hura gainditu duela ziurtatzen duen diploma da brebeta, azken azterketa batzuen bidez ebaluatzen dena. Hastapenetik 2017ra arte Matematiketako eta Historia-Geografiako azterketak ziren egin beharrekoak eta horiek beti egin ahal izan dira euskaraz.
2017an gehitu zuten Zientziatako azterketa, Biologia, Fisika eta Teknologia biltzen dituena. Jorajuriak azaldu duenez, lehen urtean euskaraz egin zuten azterketa ikasleek eta zuzentzaile euskaldunak izan zituten, "dena ondo joan zen". 2018an, ordea, Parisek debekatu egin zuen froga hori euskarazk egitea.
Urte hartan, Bordeleko Errektoretzan kateatu ziren hainbat lagun Errekotretzak euskaraz egindako Zientzietako azterketak ez zuzentzeko eskatu zuelako. Gero jakin zutenez, gainera, euskaldunak ez ziren inspektoreek zuzendu zituzten 180 ikaslek euskaraz egindako azterketak.
Aurten, uztaila hasieran egingo diren brebeteko azterketa guztiak, beraz, euskaraz egin ahal izango dituzte Seaskako 300 ikaslek.
Seaska Ikastolen Elkarteak, poza agertu du sare sozialetan. Azkenean lortu dutela eta hurrengo erronka baxoa (goi-mailako ikasketak egiteko sarbidea ematen diena) euskaraz egin ahal izatea dela adierazi dute. Horretarako borrokan jarraitzeko prest, astelehenan elgarretaratzea egingo dute, Etxepare lizeoan.
Azken urteotan mobilizazio eta aldarri ugari egin izan ditu Seaskako hezkuntza komunitateak azterketak euskaraz egiteko eskubidearen alde. Jorajuriaren esanetan "borrokak emaitzak eman ditu", baita apirilaren 22rako deituta duten mobilizazio erraldoiak ere. Halere, ez dira horretan geldituko, Euskararen hizkuntza politikak "aurrera egin dezan" borrokan jarraituko bitute.
Albiste gehiago gizartea
70 talde feminista baino gehiagok eta LGTBIQ+ taldek Bernedoko udalekuen aurkako "lintxamendu kanpaina" salatu dute
"Ultraeskuinak" eta "puritanismoak" sexu- eta genero-disidentzia adingabeei egindako erasoekin lotu nahi izatea kritikatu dute.
Auto-ilara luzeak sortu dira A-8 autobidean, Malmasinen, Donostiarako noranzkoan
Hiru ibilgailuren arteko istripua izan da tunelaren barruan, eta errei bat itxi dute.
Xabiertxok, 100 urte: "Uste dut gaur egungo hezkuntzak garai hartako ekosistema euskaltzale hori behar duela"
Duela 100 urte argitaratu zuen Ixaka Lopez Mendizabal tolosarrak “Xabiertxo”, haurrei euskaraz irakurtzen irakasteko liburua. Haritz Azurmendi Jakin Fundazioko kidea aritu da mendeurrenaren ospakizuna prestatzeko lanetan, eta liburuari buruzko bitxikeriak azaltzeaz gain, Xabiertxok Euskal Herriari egin dion ekarpenaren inguruan mintzatu da.
Milaka herritar atera dira kalera Palestinaren alde
Gazarako Mugimendu Globala Euskal Herriak deituta, Iruñean 18:30ean abiatu da manifestazio nagusia Merindadeen plazatik, eta Donostian, Gasteizen eta Bilbon, 19:00etan. Halaber, unibertsitateko ikasleek manifestazioak egin dituzte 12:00etan euskal hiriburuetan.
ES-Alert ohartarazpen sistema probatu du SOS Deiak zerbitzuak Balmasedan
Balmasedan zeuden mugikorrek ohartarazpen mezu bat jaso dute. Sistema honekin jakinaraziko zaio gizarteari hondamendiren baten arriskua. Balmasedan egindako probarekin eraginkortasun-maila ezagutu nahi izan da, behar izanez gero hobetu ahal izateko. Soinua entzun ondoren, euskaraz, gaztelaniaz eta ingelesez idatzitako mezu bat jaso dute gailuetan, probaren berri emanez.
Berriro gelditu dira Gatika eta Capbreton arteko interkonexio elektrikoko itsaspeko kablearen obrak, Butroe ibaian isuria izan da eta
URA agentziak zehapen-espedientea ireki du Red Electricaren aurka, eta Gatika inguruan egiten ari ziren zulaketa-lanetako bat geldiaraztera behartu du, Butroe ibaiko erreka batean isurketa izan delako. Toxikotzat hartzen ez den substantzia bat isuri da, bentonita, baina ekosistemari kalte egiten dio.
Hasi da gripearen aurkako txertaketa-kanpaina, eta 75 urtetik gorakoei txerto indartua jarriko diete
"Zu zara funtsezko pieza gripea saihesteko. Jarri txertoa" lelopean, Osakidetzak hitzordua eskatzeko deia egin die pertsona zaurgarriei. Astelehenean hasiko dira txertatzen. Kalteberatzat jo ez dituztenek azarora arte itxaron beharko dute txertoa hartu ahal izateko.
Palestinarekin Elkartasuna plataformak Sumud Flotillaren aurkako erasoa kaleetan salatzeko deia egin die euskal herritarrei
Plataformaren ustez, "ezinbestekoa da Israelen eta mendebaldeko konplizeen aurkako mobilizazioa eta borroka bultzatzen jarraitzea", eta bat egiten du Gazarako Mugimendu Globalak Euskal Herriko hiriburu eta udalerrietan egindako deialdiekin.
Renfek erabat berrezariko du Bilbo eta Santurtzi arteko larunbat eta igandeetako tren-zirkulazioa
Aste barruan, trenak ohiko ordutegiaren % 50eko maiztasunarekin dabiltza, behin-behinean, aldaketarik iragarri bitartean.
Elhuyarrek sei hizkuntzatan automatikoki bikoizteko plataforma sortu du
Elhuyar Fundazioak Euskal Herriko lehenengo bikoizketa automatikoko plataforma sortu eta martxan jarri du. Erreminta honekin ikus-entzunezko eduki bat sei hizkuntzatan (euskara, gaztelania, frantsesa, ingelesa, galiziera eta katalana) bikoiztu daiteke eta jatorrizko ahotsak imitatzeko aukera ematen du. Tresna berria Aditu plataforman integratu da. Horrela, plataforma hau azpitituluak sortzeko plataforma izatetik automatikoki bikoizteko aukera ematera igaro da.