Bateragarriak al dira ramadana eta goi mailako kirola?
Musulmanen egutegiko bederatzigarren hilean, eguzkia ateratzen denetik sartzen den arte barau hertsia ezartzen duenean, ramadana bete behar dute musulmanek. Gaur, martxoak 23, hasiko dute musulman askok baraualdia, apirilaren 21era arte, eta ospakizun horren bidez beren Jainkoarengana gehiago hurbildu eta arima garbituko dute autodiziplinaren eta autosakrifizioaren bidez. Hala ere, kasu askotan, eliteko kirolariek Ramadana ez praktikatzea erabakitzen dute, errendimendu handiko kirolarekin bateraezina dela uste dutelako.
Ramadanak funtzio erlijiosoa du, baina, praktikan, gorputza elikadura-errutina batzuen mende jartzea dakar, eta horrek kirolari profesionalei ahalegin berezia eskatzen die, ez baitaude horretara ohituta. Askoren arabera, baraualdian posible da errendimendua mantentzea, betiere entrenamendu fisikoa, elikagaiak eta gorputzera sartzen diren likidoak egokiak badira eta lo ondo egiten bada. Baina, goi mailako atleta batek utzi al diezaioke guztiz jateari eta edateari?
Kirolari bakoitzak modu batera egiten dio aurre baraualdiari. Badira ramadana betetzeko hautua egiten dutenak; hau da, maila gorenean lehiatu arren, gautu arte ezer ez jatea edo edatea erabakitzen dutenak. Beste batzuek ez dituzte horren zorrotz betetzen arauak, eta dieta berezia egiten dute.
Azkenik, ramadana ez betetzea erabakitzen duten kirolariak daude. Horietako bat Zourdine Thior dugu. Orion bizi den senegaldar honek Union Deportiva Logroñés taldean jokatzen du gaur egun eta bideoan kontatu du bere esperientzia. Xabier Leibar, Bat Basque Teameko mediku ohiak adierazi du gero eta gehiago direla bere imanaren babespean, nutrizioari dagokionez, bederen, ramadana zorrotz egiten ez duten goi mailako kirolariak.
120.000 musulman baino gehiago Hego Euskal Herrian
Urtero, eguzkia atera eta sartzen den bitartean barau egiten dute ia 30 egunez, ramadanaren jaiaren baitan. Lehenengo otordua egunsentia baino lehen egiten dute, eta suhur esaten diote horri, eta gaueko otorduari, berriz, iftar. Hego Euskal Herrian, 120.000 musulman baino gehiago daude deituta gaurtik aurrera ospakizuna honetara, ia 90.000 EAEn eta 30.000tik gora Nafarroan.
Zenbat musulman daude egun Hego Euskal Herrian?
Zure interesekoa izan daiteke
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.