Bi autopsiak 'kontaktu-appko ustezko hiltzailea'ren auzia alda dezakete
Auzitegiko medikuen ustez, litekeena da bi gizon itota hiltzea gizonen arteko harremanen apparen ustezko hiltzailearekin lotutako kasuan. Susmagarria iazko maiatzean Irunen (Gipuzkoa) entregatu zen. Hildakoetako biren autopsietan izandako aldaketek auzian norabide aldaketa ekar dezakete, heriotza naturaletik kausa zehaztugabeetara aldatu baitira.
Hiru biktimaren akusazio partikularraren eta Gehituk herri akusazioaren izenean aurkeztutako abokatuak, Saul Castrok, ETBri azaldu dionez, "biktimen gorpuak aurkitu zituzten bezala, bateragarria da teknika baten bidez itotzea eta hiltzea". "Teknika hau berezia da: karotida-arteriak estutzea, eta mantentzen bada, heriotza ere eragin dezake; teknika honen berezitasuna da ez duela barneko edo kanpoko lesiorik uzten", gaineratu du.
Abokatuaren ustez, aldaketa hori "nahikoa arrazoi" da Nelson Davidek nolabaiteko harremana izan zuen eta egotzi ahal zaizkion pertsona horien heriotzaren inguruabarrei buruzko ikerketak aurrera egin dezan.
Oraingoz, maiatzetik behin-behineko espetxealdian eta ahozko epaiketaren zain dagoen gazteari homizidioa leporatzen diote.
Kasua iazko maiatzean atera zen argitara. Bilboko Zazpikaleetako gizon batek Ertzaintzari azaldu zionez, kontaktu-app baten bidez ezagutu zuen beste gizon bat itotzen saiatu zen, lapurtzeko. Ustezko lapurrak biktimaren etxetik ihes egin zuen, motxila utzita.
Ustez arrazoi naturalengatik hildako beste gizon baten kontu korrontean mugimendu irregularrak salatzen zituen beste batekin erlazionatu zuen Ertzaintzak gertakari hori.
Ertzaintzaren ikerketak Nelson Davidek ustez egindako lapurreta-saiakera bat eta ustezko hiltzailea kontaktu-app beraren bidez geratutako gizonen beste lau heriotza antzeman zituen.
Familia batzuek dagoeneko salatu zituzten heriotzen osteko kontu-mugimendu arraroak. Castrok praxi txar kasu posible bat ikusten du. "Hil ondoren eginiko mugimenduak dira, eta ez dugu ulertzen eta ikertzea nahi dugu zergatik salaketak ez ziren izapidetu eta bost edo sei hilabete igaro arte ez ziren epaitegietara bideratu", adierazi du.
Zure interesekoa izan daiteke
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
56 urteko emakume baten bila ari dira Gasteizen
Emakumeak % 80ko desgaitasuna du, 1,35 metro luze da, azal argia du eta betaurrekoak daramatza. Andaluzia kalean ikusi dute azkenekoz larunbat honetan.
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira. 44 urteko emakume bat atxilotu dute ustez sutea eragin duelakoan.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbollahrekin zerikusia dutelakoan Bizkaian atxilotutako bi lagunak
Pasaportea kendu diete eta 15 egunean behin epaitegian agertu beharko dute. Bi gazteak "inperialismo genozida salatzearen aurkako kanpaina bat" salatu duen Iranekin bat plataformako kideak dira.
Emakume bat hil da Tuteran izandako auto istripu batean
Ezbeharra NA-134 errepidean gertatu da, ostiral arratsaldean. Emakumeak zeraman autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.
Iganderako aurreikusitako hainbat ekitaldi bertan behera utzi dituzte, bero handia dela eta
Bilbon, hiribilduaren sorreraren 726. urteurrenaren desfile ofiziala ez dute egingo. Bestalde, Gogorak bertan behera utzi du Artxandan egin behar zuen gudari eta milizianoen omenaldia. Sopelan, Kosta Trail mendi lasterketa bertan behera geratu da, eta Barakaldon hainbat ekitaldi moldatu dituzte.