Ukrainako haurrak hartu
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Zer egin behar dut Txernobylgo haurrak hartzeko?

Euskadin eta Nafarroan bizi diren familiek Ukrainako haurrak hartu ahal izango dituzte udan, behar duten lasaitasuna eta segurtasuna emateko. Elkartearen telefono zenbakira deitu edo mezu elektroniko bat bidali besterik ez da egin behar izena emateko.
Txernobylgo haurrak. Argazkia: EITB Media
Txernobylgo haurrak. Argazkia: EITB Media

EITB Media

Azken eguneratzea

Chernobil elkarteak Ukrainako gerraren eragina jasan duten haurrak udan aldi baterako ateratzeko programa hasi du. Programa honen helburua, adingabeei, atseden hartzeko aukera ematea da, leku seguruago batean denbora apur bat lasaiago eman dezaten.

Adingabe bat hartu nahi duen familiak Euskadin edo Nafarroan bizi behar du. Eskatzen den baldintza bakarra bizileku seguru eta egokia eskaini ahal izatea da, neska-mutilak uztailean, abuztuan eta, agian, iraileko zati batean hartzeko.

Izena emateko, nahikoa da Chernobil elkartearekin harremanetan jartzea, 670 419 078 telefono zenbakiaren edo chernobil@asociacionchernobil.info helbide elektronikoaren bidez. Elkarteak argi utzi nahi du elkartearekin harremanetan jartzeak ez dakarrela konpromisorik, harrera arrakastatsua izatea helburu duen prozesua abiatu baino ez baitu egiten.

Gizartea Ukrainako gerra Euskal Autonomia Erkidegoa Eguneko Titularrak Umeak Oporrak

Zure interesekoa izan daiteke

Gehiago ikusi
Publizitatea
X