Eusko Jaurlaritzak Haur Hezkuntzako, Oinarrizko Hezkuntzako eta Batxilergoko curriculum dekretuak onartu ditu
Gobernu Kontseiluak, Hezkuntza sailburuak proposatuta, gaurko bilkuran onartu ditu Euskadiko Haur Hezkuntzako, Oinarrizko Hezkuntzako (Lehen Hezkuntza eta DBH hartzen ditu barne) eta Batxilergoko berezko curriculumak ezartzeko dekretuak.
Gaur onartutako hiru dekretuen xedea da aipatu etapetako curriculuma ezartzea eta curriculumaren ezarpena, ebaluazioa eta garapena arautzea. Euskal Autonomia Erkidegoan etapa horiek ematen dituzten ikastetxe guztietan aplikatu beharko dira curriculum horiek.
Hiru curriculum dekretuek ikastetxeen autonomiaren aldeko apustua egiten dute alderdi guztietan: kudeaketan, antolamenduan eta autonomia pedagogikoan.
Ezaugarriak eta berritasunak
Curriculum berriak 2022-2023 ikasturtean aplikatzen ari dira etapa bakoitzeko maila bakoitietan, eta 2023-2024 ikasturtean gainerako mailetara zabalduko dira.
Haur Hezkuntza
- Arreta berezia ematen zaio haurren harrera afektiboari, eta naturarekin kontaktuan izatea eta ingurunearen ezagutza sustatzen dira.
- Komunikazio eta hizkuntza konpetentzia garatzeari dagokionez, gure gizartearen kultura aniztasunetik abiatzen da, eta kontuan hartzen da haur askok ikastetxean dutela euskararekin lehen harremana.
Lehen Hezkuntza
- Lehen Hezkuntzako lehen zikloan Gorputz Hezkuntzaren arloari eskaintzen zaion denbora luzatu da, eta jolas garaiari denbora gehiago ematea sustatu da.
- Arloak eremuen arabera antolatzea sustatzen da. Hartara, arloen arteko diziplinartekotasuna sustatzen da, baita, etapa osoan, ezagutzen ikuspegi globala ere.
- "Ingurune naturala, soziala eta kulturala" arloa sortzen da Natura Zientzien eta Gizarte Zientzien arloak bat egitetik.
- "Balio Zibiko eta Etikoak" arloa Lehen Hezkuntzako seigarren mailan emango da, eta koherentziaz jarraipena izango du DBHko lehen mailan.
Derrigorrezko Bigarren Hezkuntza
- Lehen Hezkuntzatik DBHrako trantsizioa zainduko da, eta, horretarako, pedagogia eta antolamendu neurriak hartuko dira.
- DBH 1 eta DBH 2 mailetan, irakasgaiak eremuen arabera antolatzea sustatzen da.
- "Balio Zibiko eta Etikoak" irakasgaia DBH 1 mailan emango da (Lehen Hezkuntzako 6. mailan landutakoari jarraipena emango zaio).
- 1. eta 2. mailetan, "Natura Zientziak" irakasgaia emango da (horren barruan sartuta daude Biologia, Geologia, Fisika eta Kimika).
- "Teknologia eta Digitalizazioa" irakasgaia DBH 2 eta DBH 3 mailetan emango da. Irakasgai hori DBH 1eko eta DBH 4ko aukerako irakasgaien eskaintzarekin osatuko da.
- Aukerako irakasgaien eskaintza zabala, maila guztietan.
- DBHko titulazioari dagokionez, irakasle taldeak erabakiko du gainditu gabeko irakasgaiak dituzten ikasleek titulua lortzen duten, betiere haien konpetentzia garapenaren arabera.
Batxilergoa
- Batxilergoko lau modalitate: Zientzia eta Teknologia; Giza eta Gizarte Zientziak; Orokorra eta Arteak.
- Batxilergoko modalitate guztiek irakasgai komunak dituzte.
- Batxilergoko modalitate bakoitzak zenbait irakasgai propio edo modalitateko irakasgai izango ditu.
- Batxilergoak aukerako irakasgai eskaintza zabala du.
- Ikasleak gainditu gabeko irakasgai batekin ere lor dezake titulua, baldin eta irakasle taldeak hala proposatzen badu eta ezarritako baldintzak betetzen badira.
Zure interesekoa izan daiteke
Bortizkeria polizialaren aurkako protesta egin dute ehunka lagunek Santurtzin, ezkerraldeko eragile ezberdinek deituta
Udalerriko kale nagusiak zeharkatu dituzte joan den asteazkenean hil zen Anderren aldeko justizia eskatzeko. Zigorrak eta erantzunkizunak eskatu dituzte, eta bermea nahi dute horrelakorik berriro gerta ez dadin.
Ezkabarteko suteak aktibo jarraitzen du
Nafarroako presidenteak, María Chivitek, agerraldia egin du larunbat honetan Untzuko aginte postuan, eta sutea ez zutela nekazaritza-lanek piztu esan du.
Gizon batek emaztea hil du Sevillan
Ustezko hiltzailea ospitalean dago, larri, arma zuri batez bere buruari zauriak egin omen dizkiolako.
Venezuelako lurrikaretan desagertutako euskal herritarren senideek zain jarraitzen dute
Venezuelako lurrikarek milaka hildako eta desagertu utzi dituzte; azken horien artean, bilbotar bat eta donostiar bat daude. Senideek desagertuak bilatzeko baliabide falta azpimarratu dute. NBEren arabera, 50.000 pertsona inguru daude desagertuta, baina kopuru horrek gora egiten jarraitzen du.
Haizeak eta bertara iristeko zailak diren guneetako fokuek zaildu egin dituzte Ezkabarteko baso-sutea itzaltzeko lanak
Ezkabarteko suteagatik hustutako Usi, Anotz eta Nabatz herrietako bizilagunak etxera itzuli dira. 112-SOS Nafarroak herritarrei eskatu die ez daitezela gerturatu suhiltzaileak eta langileak dabiltzan tokietara, horien lanak ez oztopatzeko.
Nola ospatuko da LGTBIQ+ Harrotasunaren Eguna Euskal Herrian?
Ekainaren 28an Harrotasunaren Nazioarteko Eguna ospatzen dela eta, Euskadiko eta Nafarroako hiriburuetan hainbat jarduera egingo dira larunbat eta igande honetan, LGTBIQ+ kolektiboaren eskubideak aldarrikatzeko.
Nafarroako Gobernuak nekazaritza lanak mugatu ditu lehorreko lurretan gaurtik, sute arriskuagatik
Maria Chivite Nafarroako Gobernuko presidenteak azaldu duenez, nekazaritza eta basogintza lanak 06:00etatik 11:00etara baino ezingo dira egin.
Oinezko batzuei eraso egin ostean Santurtziko Udaltzaingoak atxilotu zuen gizona hil egin da
Astelehenean eraman zuten ospitalera, Udaltzaingoak indarrez menderatu eta gero, hainbat pertsonari eta bertara joan ziren agenteei eraso egin ondoren. Bi egun geroago hil da, ospitalean.
Gaur hasiko da udako trafikoko operazio berezia, eta kanpoko 2,27 milioi ibilgailuk EAE zeharkatzea espero dute
Uda honetan, nazioarteko eta barruko joan-etorriak areagotzea aurreikusten da, eta, hori dela eta, Eusko Jaurlaritzak neurri bereziak hartuko ditu, trafikoa hobeto kudeatu eta udako gorabeherak murrizteko.
Auto-ilara luzeak BI-10 errepidean Bilbon, Kantabriarako noranzkoan, istripu baten ondorioz
BI-10 errepideko zirkulazioan eragina izan du istripuak, eta arazo handiak daude Kantabriarako noranzkoan. Une batzuetan, 3 kilometrotik gorako auto-ilarak erregistratu dira Bilbo inguruan.