Gallartako jaietan gertatutako eraso homofoboa ikertzen ari da Ertzaintza
Bi gizonezko gaztek Abantoko (Bizkaia) Gallarta auzoan asteburuan jasandako erasoa ikertzen ari da. Eusko Jaurlaritzako Segurtasun Sailak eitb.eus-i jakinarazi dionez, gazteetako batek bart aurkeztu du salaketa, eraso fisikoagatik, eta "horren arrazoiak ikertu eta argitu behar dira orain".
Abantoko Udalak, bestalde, "herriko bi gaztek pairatutako eraso homofoboa" gaitzetsi zuen atzo Bozeramaileen Batzordeak onartutako adierazpen instituzionalean, eta hura salatzeko elkarretaratzea deitu zuen.
Gertakariak larunbatetik igandera doan goizaldean jazo ziren, Gallartako jaietan. Antza, hainbat komunikabidek zehaztu dutenez, bikoteak irainak jasan zituen jaietako eremua uztera zihoanean, eta horietako batek ukabilkada bat jaso zuen. Kolpearen ondorioz, lurrera jausi zen, eta kolpea hartu zuen buruan.
Udalak deituta, dozenaka pertsonak elkarretaratzea egin zuten atzo Abanton erasoa salatzeko. Kontzentrazioa 19:00etan egin zuten, udaletxearen kanpoaldean, "aniztasunaren jesarlekuak" (ostadarraren koloreekin daude margotuta, LGTBI+ kolektiboaren alde) ondoan zituztela.
Aurrez, Udaleko Bozeramaileen Batzordeak (EAJ, PSE-EE, EH Bildu, Indaz-Azi Abanto-Zierbenako independenteak eta Elkarrekin Podemos taldeek osatutakoa) erasoa gaitzesteko adierazpena onartu zuen. Testuan, gertakariak "irmo gaitzetsi" eta "biktimei eta senitartekoei babes eta elkartasun erabatekoa" adierazi zieten.
"LGTBI kolektiboaren kontrako indarkeria, bere adierazpen ezberdinetan, giza eskubideen urraketa larri eta onargaitza da, eta pertsonon duintasun eta osotasun fisikoaren kontrako atentatu larria", adierazi dute.
Udalak "arazo larri" horren kontra lanean jarraituko duela azpimarratu du, eta Abantoko bizilagunei gertakari horien aurka "zero tolerantzia" izateko deia egin die. "Gizarte moduan, irmo baina lasaitasunez egin behar diogu aurre arazo honi gure bizitzetatik errotik kentzeko", gaineratu dute.
Ikoitz Arrese EH Bilduko legebiltzarkideak edo Ikusgune Gasteizko LGTBI+fobiaren aurkako behatokiak erasoa salatu dute sare sozialetan:
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.