N-633 errepidea guztiz ireki dute Derion, istripua izan eta ia 10 ordura
Kamioi bat irauli egin da gaur, osteguna, N-633 errepidean, Derio parean eta aireporturako bidean, eta zortzi kilometrorainoko auto-ilarak eragin ditu bide-sarearen hainbat puntutan egunean zehar. 10:30ean, gainera, N-633 errepidea guztiz itxi dute, noranzko bietan, baina 12:30erako Bilborako noranzko errepidea ireki dute.
15:00ak jotzear zirenean, bukatutzat eman dituzte kamioia errepidetik kentzeko lanak, eta errei guztiak zabaldu dituzte.
Istripua 05:10ean gertatu da, kamioia, ezagutzen ez diren arrazoiengatik, irauli eta garraiatzen ari zen gasolioaren zati bat isuri duenean.
Isurketaren ondorioz, errepidea erabat itxi dute. Geroago, 07:00ak aldera, bi errei ireki dituzte berriro, eta bat itxita mantendu dute oraindik, bidea garbitzeko lanak amaitu arte. Hala ere, Trafikoko iturriek EITBri jakinarazi diotenez, 09:30ean trafikoa eten dute N-633 errepidean, noranzko bietan, iraulitako kamioia erretiratzeko lanak egiteko. 12:30erako, baina, Bilbora bideko errepidea lehengoratu dute.
Kamioiaren gidaria Gurutzetako Ospitalera eraman dute.
Era berean, A-8an, beste istripu bat izan da goizeko 08:50 aldera, Bilbon Irungo noranzkoan. Bi autok elkarri jo diote eta, ondorioz, errei bat itxi behar izan dute. Ezbeharra izan eta segituan, 5 kilometrorainoko auto-ilara sortu da bertan. Hala ere, dagoeneko ibilgailuak errepidetik kendu dituzte eta egoera normaltasunera bueltatu da.
Bestalde, AP-8 errepidean, Zarauzko bidesarian bost kilometrorainoko auto-ilarak sortu dira goizeko 10:00ak aldera; hala ere, 11:30 alderako, normaltasuna bueltatu da inguru horretara.
Zure interesekoa izan daiteke
Iruñeko Iturrama auzoko obra batzuen bilakaera jarraitzeko behatoki bereziak jarri dituzte
Misericordia egoitzan bizi diren herritarren artean obrek piztu duten interesaren ondorioz, eraikuntza-enpresak sei leiho ireki ditu lanak estaltzen dituen oihalean. Batek baino gehiagok irmo kritikatu ditu leihoen ondoan idatzitako esloganak.
Llantenoko sutea kontrolpean dute, 100 hektarea inguru kiskali ondoren
Suteak itzaltzeko zerbitzuek lanean jarraitzen dute erabat itzali arte, haizeak eta tenperatura altuek ez baitute laguntzen. Familia batek etxera itzuli ahal izan du igande honetan.
"Nolabaiteko baikortasuna" Rigloseko sutean, suak Jaca ondoko Oroel mendira jotzea oztopatu ondoren
16.600 hektarea baino gehiago kaltetu ditu suteak, eta mila bat lagun eta 35-40 aire-baliabide ari dira lanean; 19 herrigunetako 1.046 bizilagunek etxetik kanpo jarraitzen dute. UMEko militar bat hil da gaur arratsaldean, Jakatik 10 kilometrora.
Autoak zeramatzan kamioi batek errepidetik irten eta su hartu du Sunbillan
Autoak zeramatzan kamioi bat errepidetik atera eta su hartu du Sunbilla parean. Kamioia erabat kiskalita geratu da baina gidaria, 49 urteko gizonezkoa, arin zauritu da. 07:00ak aldera gertatu da ezbeharra N-121 errepidean.
10 urteko haur bizkaitar bat egoera kritikoan, Espinosa de los Monterosen (Burgos) traktore batek harrapatu ostean
Istripua larunbateko 22:30ak baino minutu batzuk lehenago gertatu zen, Sancho Garcia plazan, oraindik argitzeke dauden arrazoiengatik.
Jorge Carvalhok euskara bere bizimodu bihurtzea lortu du
Ia 30 urte daramatza jada Euskal Herrian bizitzen. Igeltseroa da lanbidez, baina pandemian lana galdu zuen, eta 62 urte zituela betidanik maite izan duen zaletasuna bizimodu bihurtzea erabaki zuen: kalean euskaraz kantatzea. Ordutik, Bilboko Plaza Eliptikoan giroa alaitzen du, euskarazko errepertorio zabalarekin.
Bi lagun zauritu dira hegazkin txiki batek Vianan izan duen istripuan
300 oin inguruko altueratik erori dira Ulagosa izeneko eremura. Batek pronostiko larriko traumatismo kraneoentzefalikoa du, eta besteak traumatismo kraneoentzefalikoa eta orkatilla hautsita.
Abian da mahats-bilketa, historiako goiztiarrena
Mahatsondoak ohi baino lehenago hasi dira fruitua ematen, eta Nafarroako Erriberan ekin diote jada mahatsa biltzeari. Inurrieta bodegan iaz baino astebete lehenago jarri dituzte martxan uzta biltzeko makinak.
Donostiak amaiera eman dio Aste Nagusi borobilari, gorabehera garrantzitsurik gabe
Insaustik nabarmendu du delituen kopurua % 45 jaitsi dela iazkoarekin alderatuta, eta pandemiaren ostean izan den kopururik txikiena izan dela.
Osakidetzak 211 pertsona artatu ditu eklipsearen ondorioz azken hiru egunetan
Ostegunean 59, ostiralean 70, eta azken orduetan 82 pertsona joan dira Euskadiko osasun-zerbitzuetara begietako sintoma arin edo oso arinekin.