Igandea, freskoagoa, eta zaparrada trumoitsu arriskuarekin arratsaldean
Euskal Herriko zerua hodeitsu egongo da igande honetan, eta zaparradak botako ditu egunaren bigarren partean. Zaparradak handiak izan daitezke eta txingorra ere bota dezake. Tenperatura maximoek behera egingo dute eta haizea aldakor eta ahul ibiliko da, bolada gogorrekin edo oso gogorrekin, batez ere ekaitz-guneetan.
Prezipitazio eta ekaitz arriskuagatik ezarritako abisu horia indarrean egongo da igande honetako 14:00etatik asteleheneko 21:00ak arte. Tenperatura ez da 25º-tik pasako kostaldean, eta 30º-tik behera geldituko da barnealdean. Ordubetean 15 litro baino gehiago bota ditzake hainbat tokitan. Zaparrada trumoitsuak bota ditzake, eta txingorra ere bota dezake. Haize-bolada gogorrak edo oso gogorrak aurreikusten dira. Ipar Euskal Herrian ekaitz-arriskuagatiko abisu horia 15:00etatik gauerdira egongo da indarrean.
Tenperatura minimoak 15 eta 19 gradu artean geratuko dira eta maximoak 23-25 inguruan kostaldean, eta 25-30 bitartean hegoaldean.
Larunbat arratsalde honetan iragarpena bete da eta zaparrada mardulak izan dira, leku askotan trumoitsuak. Arkautin 12,1 litro kubiko pilatu dira 10 minutuan, 7 Andoainen eta 6,8 Ordunten. Gainera, 112 km/h-ko haize-boladak izan dira Oizen, 97,7 km/h-koak Paganosen eta 87,8koak Arkautin.
Zure interesekoa izan daiteke
Nafarroako Larrialdietako Zuzendariordetzak botako du sanferminetako txupinazoa
Erakunde hori aukeratu dute herritarrek bozketan, Joseba Asiron alkateak iragarri duenez.
Hasi dira presoak Martuteneko espetxetik Zubietara lekualdatzen
Goizean hasi dira, furgonetetan, presoak Martuteneko espetxetik ateratzen. Gauzak ondo bidean, aste honetan amaituko da lekualdatzea eta kartzela zaharra ekainaren 24an itxiko dute betiko, bertan zeuden 254 presoak Zubietara eraman ostean.
44 urteko garraiolari bat hil da Murchanten, beste kamioi batekin izandako istripu batean
Ezbeharra AP-68an gertatu da. Bertaratu diren langileek ezin izan dute ezer egin hildakoaren bizia salbatzeko. Istripuan 41 urteko beste garraiolari bat zauritu da.
Eusko Jaurlaritzak EHUri eskatu dio euskara azterketetako zeroen auziko "balizko gorabeherak" aztertzeko
Unibertsitate eta Hezkuntza sailburuek eta errektoreak urgentziazko bilera bat egin dute, giro adeitsuan. Aurretik, Jaurlaritzako bozeramaileak azkartasuna eskatu du zuzenketetan, eta zuzenketa horiek unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.
Lau segurtasun kamera suntsitu dituzte Gasteizko Alde Zaharrean
Gasteizko Udalak adierazi duenez, erasoak ostiralean hasi ziren eta astelehen gauean jarraitu dute, eta milaka euroko kalteak eragin dituzte.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago inolako salaketarik, eta Fiskaltzak ezin du ofizioz jardun salaketarik ez dagoenean.
Hiru etxebizitza hustu behar izan dituzte Gazolazen, Oltza zendean piztutako sute batengatik
Sutea piztu da arratsaldean Oltza zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea kontrolpean hartzea. Gauean, sua erabat itzaltzen eta ingurua freskatzen arituko da suhiltzaile talde handi bat.