Sexu esplotazioaren bederatzi biktima askatu dituzte Bilbon
Bilboko Ametzola auzoko lokal batean prostituitzera behartzen zituzten bederatzi emakume askatu eta bederatzi pertsona atxilotu dituzte Bilbon, Barakaldon eta Castro Urdialesen. Polizia Nazionalak egin du operazioa, eta sexu esplotazioa, bortxazko prostituzioa, legez kanpoko immigrazioa bultzatzea, droga trafikoa eta talde kriminaleko kide izatea leporatu die atxilotuei.
Polizia Nazionalak gaur ohar baten bidez jakinarazi duenez, emakume batek sexualki esplotatzen zutela salatu zuen Bilbon, eta horregatik abiatu zuten ikerketa.
Agenteen aurrean azaldu zuenez, garbitzaile gisa lan egiteko eskaintza bat jasota etorri zen, eta, iritsi zenean, prostituzioan aritzera etorri zela eta ez zuela garbitzaile gisa lan egingo adierazi zioten.
Egun osoan lan egitera behartzen zuten, eta zerbitzu bakoitzarengatik irabazten zuenaren erdia jasotzen zuen. Halaber, preserbatiborik gabe ahozko sexua praktikatu behar izaten zuen, eta bezeroak zeuden lekuetara droga eraman, eta, haiek eskatuz gero, haiekin kokaina kontsumitu. Biktimaren hitzetan, behin baino gehiagotan joan behar izan zuen Basurtuko Ospitalera bezero bati kokaina eraman eta berarekin sexu harremanak izateko.
Beharrezko ikerketak egin ondoren, Polizia Nazionalak bederatzi pertsona atxilotu zituen apirilaren 26an. Bilboko Instrukzioko 2. Epaitegia ari da ikerketa zuzentzen, eta epaiketa egin arte atxilotuak aske uzteko agindu du.
Zure interesekoa izan daiteke
Nahi duzun karrerara sartzeko gutxieneko nota atera ez baduzu, zer egin?
Nahi den karreran sartzeko gutxieneko nota ez lortzeak ez ditu ate guztiak ixten, eta itxarote-zerrendak, antzeko graduak eta Lanbide Heziketa aukera baliagarriak izan daitezke. EHUko, Batxilergoko eta Lanbide Heziketako orientatzaileek adierazi dutenez, ikasleek bide alternatiboak dituzte nahi duten karrera horretan sartzeko.
Susana Miranda Osasunbideako Lehen Arretako gerenteak dimisioa eman du
Bi urte eman ditu karguan, eta bere denbora horretan, kritika ugari jaso ditu Osasunbideak, besteak beste, hitzordua eskatzeko egon diren arazoengatik eta izandako atzerapenengatik.
Iruñeko Udalak sexu-eraso bat gaitzesteko elkarretaratzea egin du
Erasoa ekainaren 5ean izan zen, ostegun goizaldean, Taconera parkean. Bertan, bi gizonek gizon gazte bati eraso egin zioten, eta sexu-abusuak egin zizkioten. Gizonetako bat espetxean dago, eta Polizia bigarrena identifikatzen saiatzen ari da.
Onik aurkitu dute Bilbon desagertutako 13 urteko neskatoa
Familiak salaketa bat aurkeztu zuen neskatoaren desagerpenagatik igandean, eta asteartean topatu dute.
Urriaren 7a jaieguna izango da 2027an, lehen Eusko Jaurlaritzaren 90. urteurrenaren omenez
Urteurrena oroitzeko 40 ekimen baino gehiagoko agenda antolatu du Jaurlaritzak eta, besteak beste, solasaldiak, erakusketak, kultur eta kirol ekitaldiak egingo dira urte osoan zehar. Horien bidez, Agirre lehendakariaren eta bere lantaldearen ondarea gogoraraziko da eta Gobernu haren sorreraren oinarri izan ziren demokrazia, askatasuna eta justizia sozialaren balioak etorkizunerantz proiektatuko dira.
Barrualde-Galdakaoko eta Gurutzetako Osakidetzako emaginek 9 eguneko greba deitu dute profesional falta salatzeko
SATSE sindikatuak ekainaren 17tik uztailaren 2ra bitarteko mobilizazioen egutegiaren berri eman du. Sindikatuaren arabera, arazoa "profesionalen kontratazio eta planifikazio falta" da. Ez da baztertzen beste ESI batzuek deialdiarekin bat egitea.
ETSk Bilboko Aste Nagusian joko du
Talde arabarra Europa parkeko oholtzara igoko da datorren abuztuaren 26an.
Euskal gazteen % 57k deskonexio digitalerako eskubidea aldarrikatzen dute
Nerabeei eta ongizate digitalari buruz Unicefek kaleratutako txosten batek ondorioztatu duenez, Euskadiko adingabe eta gazteen erdiak baino gehiago gogaituta daude hiperkonexioarekin. Azterlanaren datuek erakusten dute pantailak itzaltzeko beharra gero eta handiagoa dela, eta mugikorrei lotutako arrisku-jokabideak (sextinga, bikote-indarkeria digitala...) nabarmen gutxitu direla.
2026ko lehen hiruhilabetean Donostiako alokairuko etxebizitzen % 40 24 orduan baino gutxiagoan alokatu ziren
Astearte honetan argitaratutako ikerketa baten arabera, EAEko hiriburuak "alokairu espresa" gehien jasaten dutenen artean daude: Gasteizko tasa % 24koa da, eta Bilbokoa, % 23koa.
Emakume bat atxilotu dute, Artaxoan 41 edukiontzi eta ibilgailu bat erretzea leporatuta
2023 eta 2026 urteen artean 15 sute eragitea leporatzen diote. 17.000 eurotik gorako kalteak eragin zituzten suteek.