Albiste izango dira: Beroa bueltan da, LHko dekretu berria eta Barakaldoko sutearen inguruko ikerketa
Honako gai hauek hartuko dituzte gaur, uztailak 18, hedabideetako lerroburu nagusiak:
- Beroa bueltan da: Eusko Jaurlaritzako Segurtasun Sailak abisu horia ezarriko du gaur 12:00etatik 17:00etara, tenperatura altuengatik. Beroenak Arabako hegoaldean espero dira, termometroa 37 graduren bueltan ibiliko baita. Nafarroan, 40 gradu inguruko tenperaturak izango dituzte berriro.
- Lanbide Heziketako dekretu berria: Espainiako Gobernuko Ministroen Kontseiluak gaur onartuko du Lanbide Heziketako dekretu berria. Funtsean, LH berria malguagoa izango da, praktika gehiago izango ditu eta ikasleek ordu gutxiko prestakuntza-ikastaroak ikasi eta konbinatu ahal izango dituzte.
- Barakaldoko sutea: Barakaldoko etxebizitza eraikin batean piztutako sutearen arrazoiak argitzeko ikerketak aurrera jarraitzen du. 16 urteko gazte bat hil zen. Amaia del Campo Barakaldoko alkateak atzo esan zuenez, txosten teknikoen zain daude erretako eraikina eraitsi edo ez erabakitzeko.
Zure interesekoa izan daiteke
Donostiako Udalak, auzokideek eta familiek batera eskatu diote Jaurlaritzari Aieten institutu publiko bat eraiki dezala
Donostiako auzo honetan, 0-19 urte bitarteko pertsonak 3000 baino gehiago dira. Orain, Lehen Hezkuntza ikasi ondoren, auzotik alde egitera behartuta daude. Udalbatzak onartu ondoren, mozioa Eusko Legebiltzarrari eta Eusko Jaurlaritzari helaraziko zaie, datorren urteko aurrekontuetan sar dezaten.
Albiste izango dira: Errepublikaren eguna, migratzaileen ezohiko erregulazioa eta blokeoa Ormuzen
Gaurkoan Orain-en albiste izango direnen laburpena, bi hitzetan.
Pertsona migratzaileen ezohiko erregularizazioa onartuko du gaur Espainiako Gobernuak
Egoera irregularrean dauden atzerritarrek apiril hasieratik ekainaren 30era eskatu ahal izango dute erregularizazioa. Gehienez, hiru hilabete iraungo ditu izapideak, baina eskaera onartze hutsarekin bakarrik lanean hasi ahal izango dute.
Elkarretaratzea egin du Itaiak Iruñean, hirugarren solairutik erori zen emakumearen heriotza salatzeko
Mugimendu feministak hilketa matxista kasutzat hartzen du emakumearen heriotza. Izan ere, gizon bat atxilotu dute, urruntze-agindua urratzea egotzita. Itaiak erantzun irmoa eskatu du emakumeen aurkako indarkeriaren aurrean.
Trebiñun euskararen irakaskuntza eta erabilera sustatzeko berme eta neurriak eskatu dituzte herritarrek
Argantzonen egindako agerraldian, gogoratu dute Espainiako Gobernuak sinatua eta berretsia duela Eskualdeetako eta Eremu Urriko Hizkuntzen Europako Gutuna, eta, beraz, horrekiko hartutako konpromisoak Gaztela eta Leongo administrazioek ere bete behar lituzketela. Espainiako Gobernuari eta eratze bidean dagoen Gaztela eta Leongo Gobernuari igorriko dizkiete gaur egindako eskariak.
Booking.com plataformak hainbat bezeroren datuak agerira atera ditu, zibereraso bat jasan ostean
Konpainiak mezu bat bidali die bere erabiltzaileei, ohartarazteko "baimenik ez zuten hirugarren pertsonek" erreserbei lotutako informazioa eskuratzeko aukera izan dutela; izen-abizenak, helbideak, telefono zenbakiak eta bezeroek ostatuei emandako beste zenbait datu. Hala ere, enpresak ziurtatu du zibererasoak ez duela bankuko datuetan eraginik izan.
Adinekoen Euskal Estrategiak lehen aldiz landuko du sexu aniztasuna
Adinekoen ongizate integrala sustatzeko, 16 proiektu biltzen ditu Jaurlaritzaren estrategia berriak. Horien artean, berritasunetako bat da Sexu Aniztasunaren eta Generoaren Estrategia, pertsona guztiek, adina edozein dela ere, beren sexualitateari dagokionez aske bizi daitezen.
Ertzaintza Donostiako Alde Zaharrean izandako sexu-eraso bat ikertzen ari da
Martxoaren 31n gertatutako beste eraso baten ondoren jakin da honen berri; kasu hartako ustezko egilea espetxean dago jada.
Ander Aldazabal, Lekeitioko alkatea: "Justiziak arrazoi eman digu, eta alde horretatik oso pozik gaude"
Halere, Lekeitioko alkateak onartu egin du pena handiz hartu duela Udalak inguruko herrietako bizilagunei EAEko Auzitegi Nagusiak ezarritako muga. "Horri irtenbidea emateko ditugun aukerak aztertzen gabiltza, baina orain legea bete behar dugu, eta, aurten, behinik behin, ezingo dute egoiliarren txartela eskuratu", erantsi du.
Hainbat lagun atera dituzte Iruñeko Aranzadiko komentu zaharretik, birgaitze lanak hasi behar dituzte eta
Udalak aldi baterako bizitoki aukerak eskaini dizkie agustindarren komentu zaharrean lo egiten zuten (75 ziren) lagun gehienei. Bertan, sendatze neurologikorako osasun-zentro bat egongo da.