Marihuana plantazio bat desegin dute Laukizen, beroa ateratzeko sistema berritzaile batez hornitua
Bizkaiko Komandantziako Guardia Zibilak marihuana haztegi bat desegin zuen uztailaren 26an Laukizko (Bizkaia) txalet batean, eta ustezko jabea atxilotu zuen, osasun publikoaren kontrako delitu bat eta argindarra ebastea egotzita.
Guardia Zibilak ohar bidez azaldu duenez, azpiegitura Bizkaian inoiz atzemandako "berezienetakoa" da, aire beroa kanpoaldera ateratzeko sistema sofistikatu bat baitzuen. Marihuana landareek hazteko behar duten beroa etxebizitzaren zoruaren azpian jarritako aire ganberen bidez ateratzen zuen, eta plantazioa atzematea nabarmen zailtzen zuen horrela. Gainera, etxea arbolaz inguratuta zegoen, eta horrek, txaleta "ezkutatzeaz" gain, eraikina hozteko ere balio zuen.
Ikertzaileen arabera, plantazioaren jabeak inbertsio handia —100.000 euro— egin zuen materiala erosteko eta azpiegitura prestatzeko. Droga kopuru handia ekoizteko gai zen, urtero bost bat uzta lortzeraino. Hala, Bizkaian eta inguruko probintziatan ez ezik, atzerrian ere saltzen zutela uste dute. Estupefazienteen Bulego Zentralaren kalkuluen arabera, urtero 125 kilo marihuana ekoitzi eta 800.000 euroko etekinak lortzen zituzten haztegi horren bidez.
Maiatzean abiatu zuen Guardia Zibilak ikerketa, Laukizko eraikinen batean plantazio bat egon zitekeen susmoa hartu ondoren.
Agenteek egiaztatu zutenez, plantazioa Bizkaiko udalerriko txalet batean zegoen, errepidetik urrun. Etxebizitzako lorategiak belarra ondo ebakita zuen, eta beti zegoen auto bat bertan aparkatuta. Etxebizitzan jendea bizi zen itxurak eman nahi omen zituzten. Plantazioaren jabea Bilbon bizi zen, eta tarteka joaten zen txaletera, baina ez zuen denbora askorik ematen bertan. Dena dela, une jakin batean, etxebizitzan luzaroan geratzen hasi zela eta beste pertsona batzuk bertaratzen zirela konturatu ziren agenteak. Ondorioztatu zutenez, marihuana kukuluak mozteko garaia zen.
Etxebizitzan sartu eta hura miatzeko agindua jaso zuten orduan agenteek. 5.500 gramo kukulu, 9.320 gramo marihuana hosto ihartu txikituta eta Cannabis sativaren hostodun adarrak atzeman zituzten. Halaber, marihuana kopuru handiak ekoizteko beharrezko makina guztiak zituzten.
Plantazioa mantentzeko elektrizitatea lortzeko, argindarraren sarera legez kanpoko konexioa zuten eginda.
Zure interesekoa izan daiteke
Adimen Artifiziala, bullyinga egiteko tresna berria: “Hezkuntza digitalean hezi behar ditugu haurrak”
Azken urtean, ziberbullyinga gauzatzeko adimen artifizialaren erabilerak nabarmen egin du gora, hainbat ikerketaren arabera. Gelakideren baten argazki, bideo edo audio bat manipulatuz bideo faltsuak sortzeko erabiltzen da AA, eta sare sozialen bidez zabaltzen dira. Mikel Cerezo gizarte hezitzaile eta adikzioetan adituak adierazi du orain "duela urte batzuk baino askoz bizkorrago" hedatzen direla edukiak, eta ondorioak suntsitzaileak izan daitezkeela.
Dani Alvarezek Euskal Kazetariak Saria jaso du
Dani Alvarez EITB taldeko kazetariarentzat izan da Kazetarien Euskal Elkargoaren aurtengo Euskal Kazetariak Saria. Bilboko BBK aretoan egindako sari-banaketa ekitaldian, pozik agertu da Alvarez, eta esan du "ohore" bat dela aitortza hau jasotzea. EITBren parte-hartzea duen "Natur Bizia" ikus-entzunezko lana ere nabarmendu dute Ingurumen Kazetaritza atalean.
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du gizona espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte, biktima bakoitzeko), 10 urtekoa, 16 urtetik beherakoari egindako sexu-eraso jarraituagatik, eta, bi urtekoa, haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40.000 euroko kalte-ordaina eman beharko die hiru biktimei.
Euskalmeten arabera, urria "oso lehorra" izan da: ohiko prezipitazioen erdia egin du
Arabako zenbait eremutan, mende honetan izan den "urririk beroena eta lehorrena" izan dute, eta batez besteko tenperatura ohi baino 1,2 ºC gorago egon da.
NEIKERrek animalia-osasunaren inguruko ikerketa indartu du, segurtasun handiko laborategia berrituta
Euspen Biologikoko 3. mailako laborategia handitu dute, eta laborategi eta gela espezializatu berriak jarri dira. Horrek arrisku handiko patogenoak aztertzeko eta biosegurtasunean aurrera egiteko gaitasuna optimizatzen du, animalien ongizatearen nazioarteko estandarrak errespetatuz.
Horrelakoa da NEIKERren Euspen Biologikoko 3. mailako laborategia (NCB3)
NEIKER Nekazaritza Ikerketa eta Garapenerako Euskal Erakundeak erabat berritu du Euste Biologikoko 3. Mailako Laborategia (NCB3), P3 laborategi gisa ere ezaguna, Derioko egoitzan. Aurrerapen hori funtsezkoa da tuberkulosia eta hegazti gripea eragiten dituzten arrisku handiko agente patogenoen azterketan, besteak beste.
Segurtasun Sailak abisu bereziak ezarriko ditu kostaldean ostegunean eta ostiralean, olatuengatik
Abisu horiek asteazken honetarako daudenei gehitu behar zaizkie; gaur indarrean dira abisuak baso-suteengatik, haize-bolada bortitzengatik eta, arratsaldeko hirurak eta bostak bitartean, kostaldean, olatuengaik, bi metrorainoko olatuak izango baitira.
Bizkaiko DYAko presidente ohiak epaiketan ukatu egin du erakundearen dirua desbideratu izana
Fernando Izaguirrek ziurtatu duenez, bere asmo bakarra Kataluniako osasun-garraioaren sektorean erakundearen jarduera indartzea zen, baina "dena alferrik izan zen".
Pablo Ibarren auziko epaileak erabaki du lekuko berria nor den isilpean gordetzea
31 urte bete dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita biziarteko kartzela zigorrera kondenatu zuten. Hala ere, berak errugabea dela dio.
Sei urteko kartzela zigorra ezarri diote Eric Olhats entrenatzaile ohiari, adingabeei sexu-erasoak egiteagatik
Espetxe zigorraz gain, Aviron Bayonnaiseko entrenatzaile eta Realeko behatzailea izandakoak ezingo du adin txikikoekin lan egin eta kirol eremuetara joateko debekua ere jarri diote. Epaiaren berri izan ondoren, Alain Larrea defentsa abokatuak ez du baztertu helegitea jartzea.