Auzitegi Nazionalak onartu egin du Fiskaltzak Rubialesen aurka aurkeztutako kereila
Luis Rubiales jada Espainiako Futbol Federazioko presidente ohi denaren kontra Fiskaltzak aurkeztutako kereila tramitera onartu du Francisco de Jorge Auzitegi Nagusiko epaileak. Jenni Hermoso futbol jokalariari Sydneyko Munduko Txapelketako finalaren ostean haren baimenik gabe eman zion musua dela eta, sexu-eraso eta derrigortze delituak egotzita aurkeztu zuen kereila Ministerio Publikoak Rubialesen aurka, joan den ostiralean.
De Jorgek gaur kaleratu duen autoan, aurretiazko eginbideak abiarazi ditu eta, besteak beste, Rubialesi kereilaren berri ematea agindu du, leporatzen zaizkionak jakin ditzan eta bere defentsa eskubidea erabiltzeko aukera izan dezan.
Kereila tramitera onartzerearekin batera, ikerketarako material grafikoa eskatu du autoan epaileak, bideoak, bereziki. Hala, RTVE hedabideari Rubialesek Hermosori musua eman zioneko unea "angulu guztietatik" erakusten duten bideoak eskatu dizkio, eta baita, erasoaren ondoren aldageletan izandako ospakizuna jasotzen dutenak ere. Halaber, El Pais, AS eta La Vanguardia komunikabideei ere eskatu dizkie edukiak, musuaren unearena zein ondoren ospakizunena.
Rubialesek Espainiako Futbol Federazioko presidente kargua utzi egingo duela iragarri zuen atzo. "Gaur, 21:30ean, Espainiako Futbol Federazioko presidente karguari uko egingo diodala jakinarazi diot Pedro Rocha jarduneko presidente jaunari. Halaber, jakinarazi diot gauza bera egin dudala UEFAn dudan karguarekin, Presidenteordetzan dudan postua ordezkatu ahal izateko", adierazi du X sareko kontuan.
Federazioko presidente ohiak adierazi zuenez, FIFAk 90 egunez behin-behinean kargutik kendu eta haren aurka prozedurak ireki dituela ikusita, "argi dago" ezin izango dela bere kargura itzuli, eta, beraz, "tematzeak" eta karguari eusteak ez dio "ezer positiborik" ekarriko, ez Espainiako Futbol Federazioari berari, ez Espainiako futbolari.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.